Steak Bar (Closed)

.好耐冇同媽咪食好西，今次帶佢過海黎銅鑼灣行街兼食啲特別野😎我搵搵搵，終於搵到呢間食石燒牛，媽咪未試過呢種食法，就帶佢黎食啦😋我地叫左兩個set，媽咪叫左吉列炸牛扒($188)，我叫左香煎魚柳($195)，仲叫左一杯熱洋甘菊($35)。每個set都跟一客沙律、酸蘿蔔同飯素飯。Set B 吉列炸牛扒呢個真係好吸引，媽咪食完大讚好好食，話再食多碟都得呀，我好少見我媽會讚到咁誇張，佢食到超滿足既樣我都開心既👍🏼😋餐黎到見到塊吉列牛好大塊好多片已經😍😍😍，店員有講解點樣燒，燒幾耐最好食👍🏼石爐上片牛油要燒5分鐘先，之後就可以落吉列牛落去燒，每面各燒30秒，再燒耐啲大約8成熟最好食，會再淋身啲，口感更好。媽咪第一塊牛每面各燒30秒，本身吉列牛外層已經炸到脆卜卜，燒完食落更脆，吉列牛食落入口即溶，肉嫩多汁，我媽話好好食！(我成晚都係聽到呢句🫢)之後幾塊我媽再燒耐啲，燒到有啲燶燶地，原來更好食，鎖住肉汁，煎到更香更脆口，沾上燒汁、蒜鹽、炸蒜一齊食，味道更濃郁！Set F 香煎魚柳呢個又係好推介！魚都可以好好食！比目魚煎到表面金黃色，入面既魚肉卻好滑，魚皮都有煎過，好香口，食落都有魚油香，仲有魚扒好大