長發麵家 (Closed)

長發麵家好多食評家都介紹過，看似只係平平無奇既路邊大排檔，原來佢係隱世香港其中一間最出名既豬手店😳豬手有六件，大細都平均，都算大隻，顏色係正常南乳而唔係染到紅噹噹個隻，炆到好夠淋但又唔會爛晒，超多骨膠原😍😍😍調味亦係岩岩好，個汁濃到張口，好食到咬完一啖豬手會再點返落去個汁到務求要舔到成個碟都乾淨晒🙈🙈🙈櫻花蝦辣椒油亦非常香口，如果可以唔迎合大眾口味而咁多味精就完美了，始終都唔慣食咁重味精除左豬手,手打魚蛋都好出名，不過深田埗區賣成三十幾蚊碗的確有啲進取😆又咁講，如果食過真係好食，呢個價錢都絕對值得比！所以我下次都會再黎試下其他野食同埋外賣豬手返家🤭