冬蔭公公 (Closed)

係將軍澳呢區,呢間冬蔭公公其實都開左好耐喇,所以決定去試下。餐廳內既位置都算幾舒適,唔會太迫,慢慢食都唔會俾人趕。而今次就試下點左"馬沙拉羊膝咖哩"配飯食物非常"足料",個羊膝好大個呀!至於食落既話,羊味係好突出既,之但係肉質略嫌老左少少,有D韌,唔夠鬆軟,可能炆得太耐喇。不過個汁調配得好好,好香而且非常入味,拎黎撈飯岩哂喇而飲品就點左椰汁珍多冰,平時係其他餐廳飲既椰汁系列,多數都係椰汁少,糖分多。但呢到既珍多冰唔錯喎,一飲落口就覺得有好重既椰汁味,好香絕對可以一試