M3 Italian (Closed)

朋友住大圍，話開咗間新嘅食意大利菜，環境幾好想試吓，就一於試吓啦。我哋叫咗一個小食、兩個主菜同埋一個甜品。呢個炸雜錦三式，有炸薯角、吉列蝦，同雞翼。熱辣辣，好脆口，配埋個醬好惹味好食😋😋😋呢個Parma ham pizza 好欣賞佢好薄好脆底，滿滿嘅芝士，蜜桃嘅甜中和左Parma ham 嘅鹹，正個油封鴨髀外脆內嫩，啖啖肉，配埋個沙律份量好足好Fresh，而且好欣賞佢哋個沙律唔係只係得菜😂😂😂有好多唔同嘅配料，食落口感豐富，一啲都唔dry☺️☺️☺️我哋另外加左＄60，有一個餐湯連甜品，甜品我哋揀咗士多啤梨撻，都唔錯啖啖士多啤梨🍓🍓餐廳環境都幾好，特別係佢樓底高，北歐嘅裝修風格，幾有格調嘅餐廳。