Video
Read full review
2020-07-04
75 views
龍門多好野食就係人都知，今日我同姊妹入到黎龍門居，決定食呢間街知巷聞既龍門冰室室內環境以簡約既白色大瓷磚黑色細橫紋做牆身，白色餐桌配黑色坐椅，夠型格，整體感覺坐得好舒服作為蛋fans,一睇menu 就比呢個3.6特濃牛奶芝士玉子燒常餐吸引到呢個芝士玉子燒有成4種味道（吞拿魚/香辣肉醬/咸牛肉/黑松露雜菌）任君選擇！吞拿魚芝士玉子燒配牛油多士奶味香濃，蛋炒得好滑，一啲都唔老，內層芝士+吞拿魚口感creamy，最重要芝士唔會太膩多士烘到金黃色岩岩好，唔會太燶，小妹建議夾少量玉子燒咁食，無得輸！雜菇菌米線（跟餐）跟餐湯麵有多款選擇，而且好大碗麻醬烏冬配瑞士雞翼朋友仔點左呢個夏日消暑茶餐，瑞士汁雞翼好入味，烏冬麵條分明唔會痴埋一舊，食到佢停唔到口黑松露醬薯條🍟無論係醬定薯條都絕對係supersize!薯條偏軟，而且夠粗身，點埋香濃既黑松露醬，真係啖啖滋味飲品：咖啡奶茶☕️揀左冰室最基本飲品，咖啡奶茶☕️所謂越簡單既野，越難做得好，龍門冰室連飲品都依然做到應有質素，凍奶茶係小妹鍾意既奶味濃版，至於熱咖啡朋友就話好香食左咁多野埋單都只係$121，絕對cp值超高，我同朋友都好滿意呢個下午茶龍門冰室果然名
龍門多好野食就係人都知，今日我同姊妹入到黎龍門居，決定食呢間街知巷聞既龍門冰室
室內環境以簡約既白色大瓷磚黑色細橫紋做牆身，白色餐桌配黑色坐椅，夠型格，整體感覺坐得好舒服
作為蛋fans,一睇menu 就比呢個3.6特濃牛奶芝士玉子燒常餐吸引到呢個芝士玉子燒有成4種味道（吞拿魚/香辣肉醬/咸牛肉/黑松露雜菌）任君選擇！
吞拿魚芝士玉子燒配牛油多士
奶味香濃，蛋炒得好滑，一啲都唔老，內層芝士+吞拿魚口感creamy，最重要芝士唔會太膩多士烘到金黃色岩岩好，唔會太燶，小妹建議夾少量玉子燒咁食，無得輸！
雜菇菌米線（跟餐）
跟餐湯麵有多款選擇，而且好大碗
麻醬烏冬配瑞士雞翼
朋友仔點左呢個夏日消暑茶餐，瑞士汁雞翼好入味，烏冬麵條分明唔會痴埋一舊，食到佢停唔到口
黑松露醬薯條🍟
無論係醬定薯條都絕對係supersize!
薯條偏軟，而且夠粗身，點埋香濃既黑松露醬，真係啖啖滋味
飲品：咖啡奶茶☕️
揀左冰室最基本飲品，咖啡奶茶☕️所謂越簡單既野，越難做得好，龍門冰室連飲品都依然做到應有質素，凍奶茶係小妹鍾意既奶味濃版，至於熱咖啡朋友就話好香
食左咁多野埋單都只係$121，絕對cp值超高，我同朋友都好滿意呢個下午茶龍門冰室果然名不虛傳
Post
