愛 . 添 (Closed)

一行6人約左住係屯門既朋友夜晚去三聖食飯。但係趁5、6點既空檔時間，係朋友既推薦下，去左虹橋試呢間新甜品店。裝修簡約唔local，但最令我驚訝係呢間鋪有賣梳乎厘班戟！我幾年前係東京試過後就愛上，次次去東京都要食，但之後係香港試過好多間都變質:一係變左純蛋白，一係變左雞蛋糕。呢度既梳乎厘班戟賣相討好，無諗到係屯門竟然可以揾番東京既味道。呢度仲附送自製雪糕，夾埋一齊食都幾岩味。綜合燒仙草 唔係普通涼粉，而真係台灣既仙草。芋圓、地瓜圓有咬口。在場老闆介紹全部原材料都係直接台灣入貨。炸雞軟骨雞軟骨有腌過，幾香口。手抓餅配雞蛋、午餐肉、芝士份量頗大，一個人食可以當正餐。藍。蝶豆花芒果梳打顏色好靚，入面仲有芒果果肉。總體來說，係一間有誠意既小店。另外，老闆服務態度好好，有耐性，係而家既香港，抵讚！