8鍋臭臭鍋 (金巴利道) (Closed)

星期六中午天氣真係好，秋天嘅陽光特別舒服，約左朋友行尖沙咀，先到金巴利道慢食8鍋臭臭鍋，平時食晏好急趕，今次就可以輕鬆嘆返下；要左藥膳羊肉鍋補一補，藥膳鍋底配上娃娃菜、羊肉片、翡翠魚豆腐、台灣貢丸、淮山、香菇、粟米、沙白、油豆腐、金針菇、炸支竹、粉絲、嗚門卷、素鮑魚、鱈魚丸、蓮藕，非常豐富，羊肉片有好多片，愛羊味重之友必食也，個鍋本身可跟多個飯或粉絲，我當然會選擇粉絲，因為咁大個鍋實在好飽，況且粉絲可吸收湯嘅精華，啖啖都𢱢到羊香👍🏼特別想講粒鱈魚丸，我無諗過個口感會係好似鐡蛋，好得意🤡話明臭臭鍋點能少得古法秘製臭豆腐呢？！所以用$42加點一客，可能我對某D食物會重口味左，所以覺得呢個臭豆腐唔係好夠臭，但都加添左唔少風味。