Video
Read full review
2021-12-13
168 views
朋友既介紹，電視節目既影響下，我地今日黎到 竹青亭 🎋 黎到門口諗住睇下有咩食，依度既菜式名係比較特別，就咁睇係完全唔知佢入面係咩😂😂😂 不過，好彩每個菜式名下面都有解釋到其實係咩黎。而朋友介紹既時候就已經講過”如果真係諗唔到食咩，就食2人餐啦，一定夠！”，沖住依句，加上唔想諗太多就決定嗌個2人餐試試佢喇。 (每日廚師精選餐湯)作為第一樣上場既菜式係有令人驚喜既感覺，打至蓉既椰菜花，加上唔會太膩太濃既忌廉，飲落有種忌廉薯蓉湯既感覺，但就冇咁飽肚，第一次覺得蔥花係一個道菜式入面既重要性，椰菜花本身味唔濃，如果只係椰菜花本身加上淡淡忌廉層次感可能會有啲單薄，但加上蔥花馬上就唔同晒，蔥既香味令成個湯昇華不少。經歷左令人驚喜既湯之後，他他相對係平淺啲，雖然食材上都有一啲特別既粉紅菜頭，亦用上羅漢果藍啤梨啫喱，係外面真係少啲食到，但味道上都唔算太大沖擊。就算係期待值上相對平淡，但整體都係唔差既，不過不失。雖然賣相太草綠令人有少少卻步，諗住會係好草青既味道，結果又唔係喎，調味上有啲偏咸，但有松子仁去做返個balance，都還算可以。食材上主打既帶子就唔太合格，質感上就比較廉價，似係雪貨，令成個菜式
椰菜花忌廉湯
6 views
0 likes
0 comments
(每日廚師精選餐湯)
作為第一樣上場既菜式係有令人驚喜既感覺，打至蓉既椰菜花，加上唔會太膩太濃既忌廉，飲落有種忌廉薯蓉湯既感覺，但就冇咁飽肚，第一次覺得蔥花係一個道菜式入面既重要性，椰菜花本身味唔濃，如果只係椰菜花本身加上淡淡忌廉層次感可能會有啲單薄，但加上蔥花馬上就唔同晒，蔥既香味令成個湯昇華不少。
日本拖羅蓉冰菜沙律
6 views
0 likes
0 comments
經歷左令人驚喜既湯之後，他他相對係平淺啲，雖然食材上都有一啲特別既粉紅菜頭，亦用上羅漢果藍啤梨啫喱，係外面真係少啲食到，但味道上都唔算太大沖擊。就算係期待值上相對平淡，但整體都係唔差既，不過不失。
香煎帶子法式香草醬乾瑤柱高湯意大利飯配海蝦肉
4 views
0 likes
0 comments
雖然賣相太草綠令人有少少卻步，諗住會係好草青既味道，結果又唔係喎，調味上有啲偏咸，但有松子仁去做返個balance，都還算可以。食材上主打既帶子就唔太合格，質感上就比較廉價，似係雪貨，令成個菜式扣分不少。
一人留 两人就 東瀛遊 慢慢的 品嘗著 美味捨不得
1 views
0 likes
0 comments
(西京燒比目魚配魚蓉薯蓉、關東煮蘿蔔、飛碟瓜、㽢秋葵、炸羽衣甘藍)
雖然前2道菜冇乜亮眼點，但依個比目魚西京燒又令人從新眼前一亮。西京燒掌握得相當好，表面焦脆，內裏肉質結實而嫩滑。西京燒食得太耐個甜味會遞增上去，所以佢都建議你單食到咁上下就再配菜再一齊食。關東煮蘿蔔同飛碟瓜既甘香都可以中和到個甜味，同薯蓉mix埋一齊食亦有減輕甜度既作用。味道既配搭做得相當好，有考慮到食既人味蕾既需求。
𝐀𝐥𝐚𝐝𝐝𝐢𝐧
4 views
0 likes
0 comments
(玄米茶慕斯配米通 檸檬荔枝啫喱)
老實講依一度甜品係十分需要先有人講解食既先後次序，如果唔係出黎個效果真係好唔同，可惜今次就冇人作講解，所以一開始就撞左板🙈如果你一黎就食個啫喱，佢既酸同苦會令你一啖都唔想再食，但假如你先食玄米茶慕絲，佢茶香下帶有甘苦，之後再食啫喱，入面既酸苦就會被蓋過，換黎係果香淡甜，其實係幾清新既。不過一定要事先聲明依個苦甜互換既感覺唔係個個會中意，一口氣食晒慕絲先，又未必可以頂得住個苦味，除非你好中意個茶味啦。👦🏻欣賞佢既心思，只係佢唔係一個大眾喜愛既甜品。
𝐏𝐫𝐢𝐧𝐜𝐞𝐬𝐬 𝐉𝐚𝐬𝐦𝐢𝐧𝐞
3 views
0 likes
0 comments
(香橙茉莉花茶茶凍、楊枝甘露配雲呢拿雪糕)
成晚既高潮估唔到會係依個甜品度😍食左成餐其實大約都知道設計餐牌既人大約係想做咩既，每首菜式都係想營造唔同味道既玩法。依一道就充分將味道既層次發揮得淋漓盡致，一食落口有楊枝金露既甜味，跟住有雲呢拿雪糕既香滑，最後有茉莉花茶茶香回甘，成個層次感相當分明，每一啖到可以享受到成個過程，適合較多人口味。
沙薑雞
9 views
0 likes
0 comments
打卡一流，賣相相當不錯，以中式茶杯配上中式沙薑雞味cocktail，認真有心思。杯上既係一塊沙薑雞零食，味道相當香濃，脆身口感亦有佐酒小食感覺。Cocktail本身單飲酒味相對比較濃烈，待應生亦有提醒等冰融左少少再飲味道會更好，果然等冰融左之後，酒味冇咁烈，你會飲到酒香中夾雜淡淡沙薑雞味，冇諗過2個味道會咁夾。
養生 • 養身唔包養心
7 views
0 likes
0 comments
感覺較似一般果茶，蘋果味相對比較特出，飲完最後會有微甘感，整體感覺冇太大特別，如果有機會會揀其他飲品🤔。
香港黎講，以依個價錢食到依種半Fine Dinning式既創意料理的確唔多選擇，👦🏻係台灣都曾經食過類似既，要令食客清楚明白廚師再表達既味道，一個講故事既人好緊要，最簡單菜式食材食既次序都好影響食客感受依度菜式，當然如果可以帶埋背後既故事，點解選用依啲食材，成個menu想營造想表達既係咩，咁就更加分啦。不過以依個價錢，有依個體驗都算合格既，如果2個人黎約會，相信話題都可以不斷，會令成個約會更加分既。
Post
