Video
Read full review
2021-08-14
138 views
廚師發板一直都係好貴，所以都係特別慶祝日子先會去食。朋友話依間廚師發板第二位做緊半價，即刻約時間出黎試下。去到餐廳職員會安排我地去到一間房，入面大概只有10個座位，寧靜又舒適。我地食既Hikaru套餐，四百幾蚊一個人，第二位仲有半價優惠。立魚獨特的清爽口感，師傅仲配上左柚子，香氣十足。帆立貝鮮甜嘅帆立貝配上黑炭鹽，更加帶出鮮味牡丹蝦大大隻嘅牡丹蝦上邊仲加上了炙燒的蝦膏，蝦膏味濃郁，而且帶有一啲焦香味。池魚平時我唔食啲有皮嘅魚，因為怕有腥味，但係依個加了一啲香蔥，口感同味道都提升左。靖魚完全冇諗過鯖魚都可以刺身食，佢上面加片紫蘇葉，紫蘇葉嘅香氣，減少油脂你感覺，肉質細膩嫩滑。蟹肉軍艦剛剛坐低嘅時候已經見到師傅喺旁邊拆蟹肉，蟹肉味濃而且鮮味，大滿足。海膽杯海膽分量唔少，十分鮮甜，creamy 左口魚邊左口魚邊壽司一向係我首選，每一次去食壽司必點。但係呢一間嘅左口魚邊另外有驚喜，師傅用火槍炙燒，油分慢慢滲出來，層次感豐富，味道濃郁。中拖羅油份適中而且無筋，令人懷念嘅入口即溶感覺。香蔥吞拿魚茸手卷師傅落吞拿魚茸一啲都唔手軟，紫菜每一口都食到香脆嘅聲音。呢個套餐其實仲有其他壽司，海鮮茶碗蒸，舞茸
我地食既Hikaru套餐，四百幾蚊一個人，第二位仲有半價優惠。
立魚
獨特的清爽口感，師傅仲配上左柚子，香氣十足。
帆立貝
鮮甜嘅帆立貝配上黑炭鹽，更加帶出鮮味
牡丹蝦
大大隻嘅牡丹蝦上邊仲加上了炙燒的蝦膏，蝦膏味濃郁，而且帶有一啲焦香味。
池魚
平時我唔食啲有皮嘅魚，因為怕有腥味，但係依個加了一啲香蔥，口感同味道都提升左。
靖魚
完全冇諗過鯖魚都可以刺身食，佢上面加片紫蘇葉，紫蘇葉嘅香氣，減少油脂你感覺，肉質細膩嫩滑。
蟹肉軍艦
剛剛坐低嘅時候已經見到師傅喺旁邊拆蟹肉，蟹肉味濃而且鮮味，大滿足。
海膽杯
海膽分量唔少，十分鮮甜，creamy
左口魚邊
左口魚邊壽司一向係我首選，每一次去食壽司必點。但係呢一間嘅左口魚邊另外有驚喜，師傅用火槍炙燒，油分慢慢滲出來，層次感豐富，味道濃郁。
中拖羅
油份適中而且無筋，令人懷念嘅入口即溶感覺。
香蔥吞拿魚茸手卷
師傅落吞拿魚茸一啲都唔手軟，紫菜每一口都食到香脆嘅聲音。
呢個套餐其實仲有其他壽司，海鮮茶碗蒸，舞茸清湯，成餐飯用一個金箔黑豆綠茶奶凍黎完結，圓滿。
Post
