Video
Read full review
2016-02-28
1262 views
月中,同老公,醫生商量決定前日(26-2-2016 Fri)朝早入院,由於有保險,同事都我入o左院後至食晒早,午,晚三餐,重要食豪啲,夜晚o個餐重可以叫埋老公o黎食.啊,我重諗住晏晝早啲出院去買餸返屋企煮添.好,一於聽同事話 .攞o左床位,即call送餐服務喇,我揀o左$50.00o既美式早餐,要炒蛋,豬柳漢堡扒配牛角包,飲熱奶茶.送到o黎睇,三樣o野食都好細件/份,先食豬柳漢堡扒,似白烚,冇乜味,自己加胡椒粉吧.炒蛋一樣係冇乜味o架喇,自己加啲鹽,但佢o地都係炒得嫩;牛角包鈿件到我以為得半件,原來唔係.佢唔酥,牛油味淡但夠,唔油膩.熱奶茶我落o左一包糖,茶味OK夠.食完呢個餐,我重係唔夠飽.味道: 2.7分, 抵食: 1.5分而由於原定o係12:20pm做o既小手術押後到3:00pm,於是諗埋個lunch.我要$85.00o既菠蘿咕嚕肉配絲苗白飯.睇menu,睇有咩o野食,見到有燉湯,同老公好少煲湯喇,飲埋佢啦,呢個要早兩個鐘訂,趁老公lunch time,問佢飲邊款,就落定單,叫人o係7:00pm送呢個兩個燉湯o黎,飯就即上.亦同老公研究o左夜晚食咩甜品(係另一間),就打埋電話,
攞o左床位,即call送餐服務喇,我揀o左$50.00o既美式早餐,要炒蛋,豬柳漢堡扒配牛角包,飲熱奶茶.送到o黎睇,三樣o野食都好細件/份,
先食豬柳漢堡扒,似白烚,冇乜味,自己加胡椒粉吧.炒蛋一樣係冇乜味o架喇,自己加啲鹽,但佢o地都係炒得嫩;牛角包鈿件到我以為得半件,原來唔係.佢唔酥,牛油味淡但夠,唔油膩.
熱奶茶我落o左一包糖,茶味OK夠.
食完呢個餐,我重係唔夠飽.味道: 2.7分, 抵食: 1.5分
而由於原定o係12:20pm做o既小手術押後到3:00pm,於是諗埋個lunch.我要$85.00o既菠蘿咕嚕肉配絲苗白飯.睇menu,睇有咩o野食,見到有燉湯,同老公好少煲湯喇,飲埋佢啦,呢個要早兩個鐘訂,趁老公lunch time,問佢飲邊款,就落定單,叫人o係7:00pm送呢個兩個燉湯o黎,飯就即上.
亦同老公研究o左夜晚食咩甜品(係另一間),就打埋電話,叫人8:00pm至送.
菠蘿咕嚕肉配絲苗白飯到o黎,
顏色好靚,
菠蘿咕嚕肉配絲苗白飯
$85
39 views
0 likes
0 comments
呢個份量好夠,夠飽.
味道: 3.1分, 抵食: 2分
6:50pm,我同老公揀o既要$88.00o既南北杏雪耳燉竹絲雞同$78.00o既紅棗圓肉燉瘦肉送到o黎,唔大盅o既.
而老公就7:00pm o黎到,先同佢研究埋晚餐要咩主菜,然後飲湯.睇睇啲料都好足,我先飲我o既南北杏雪耳燉竹絲雞,
南北杏雪耳燉竹絲雞
$88
39 views
0 likes
0 comments
味道: 4分,抵食: 2分
老公o既紅棗圓肉燉瘦肉
相對好甜,但瘦肉未夠腍,仍幾硬,一般.味道: 3.5分,抵食: 2分
原以為我食完晚餐就可以攪出院手續,點知醫生巡完房,話要我留多一日做另一個化驗.咁唯有留,既然要留多一日,又計多一日,不如老公又o黎食早餐啦.
由於尋日27-2-2016(Sat)o既化驗book到好早,於是o係老公臨返屋企前,揀定食咩,咁佢 就唔使晨咁早起身走o黎等.
經過前日早餐o既經驗,我o地決定叫四份早餐 ,要o左:$50.00o既中式早餐:雞肉粥,素餃子,要中國茶.$42.00o既瑤柱雜菜粥,$32.00o既果占多同$32.00o既番茄煙火雞三文治,要麥包.
到o黎喇,我o地睇睇,
果占多有四片多士,果占要自己搽,由於唔想佢變腍,所以我第一樣就係食佢.搽o左半份果占夾o黎食,呢啲咁簡單o既,冇乜好講.味道: 3分, 抵食: 0.5分
之後我食素餃子,素餃子入面有粟米粒,紅蘿蔔粒,冬菇粒同椰菜粒,味道淡淡的,正常吧.
食o緊o既素餃子
65 views
1 likes
0 comments
然後食老公o既雞肉粥,
雞肉粥
85 views
0 likes
0 comments
味道: 3分, 抵食: 1分
然後我食瑤柱雜菜粥,瑤柱碎唔多,而且係白色o既,雜菜有粟米粒,菜心葉同生菜絲,
瑤柱雜菜粥
$42
63 views
1 likes
0 comments
味道: 3分, 抵食: 1分
最後食番茄煙火雞麥包三文治,睇到煙火雞似火腿,
不過當然唔係,佢唔肥膩,不過冇乜煙燻過o既痕跡,亦冇乜味.味道: 2.5分, 抵食: 1.3分
呢餐早餐都係清淡健康為主,但最後一提,o個杯中國茶味道好濃.
之後,我o地決定食埋晏至走,於是叫o左$75.00o既北菇竹笙扒時蔬,$72.00o既雪菜肉絲炆米,同$28.00o既芒果布甸兩個.
送到o黎睇,原以為北菇竹笙扒時蔬o既竹笙唔會多,但原來都多,
北菇竹笙扒時蔬
55 views
2 likes
0 comments
味道: 4.3分, 抵食: 2分
老公o既雪菜肉絲炆米呢?
呢個我覺得味道淡o左啲,可能老公加o左辣醬會好味好多.味道: 2.8分, 抵食:1.3分
最最最最最後,真係最後,到芒果布甸,
味道唔太甜,微微地酸,質地唔算好細滑,算啦,醫院餐廳係咁o架喇.味道: 2.8分, 抵食:1.2分
服務:
26/2 9:45am打電話去,打幾次同響好耐都冇人聽,我以為我唔識用醫院o既電話,於是搵搵護士幫我,點知係護士長入o黎,一打就有人聽,真係唔好意思.
送餐服務最少要等45分鐘,客人要留意.
所有碟(除盛載凍o野外)都熱,唔錯.
衛生:
所有o野都會用保鮮紙包好至送上.
總味道: 3.14分, 抵食1.44分
Post
