Video
Read full review
2014-05-19
911 views
同老婆外出辨完點事仍有啲早，索性返嚟美孚先食晏，時間好用啲。佢問食咩好，成個美孚區有超過10間茶記之多，「味味佳」算喺其中一間穩膽，佢啲嘢唔喺話好好食，但安全系數高，好少中伏出事。所以「尋味」嘅結果，就喺選中「味味佳」。味味佳晌依區都好多年，環境、格局都有啲舊，不過，都喺做街坊生意，一貫茶記格局就夠晒啦，有卡位，有圓枱。逼喺逼啲，地盡其用，小店生存喺咁架啦！嚟食晏通常都唔諗，「精選午餐」3揀1費事煩。是日選擇喺紅燒豆腐班腩飯（$35）、照燒雞扒飯（$37）及干燒蝦仁伊麵（$39），無餐湯，只包熱飲，凍飲加$2，額外加湯又$2，揀特飲半價。紅燒豆腐班腩飯 $35茶記嘅碟頭飯，勝在飯多，因為好多工人會嚟幫襯，又或一家三口，兩個餐三個人食。豆腐同班腩份量相約，無搵笨豆腐多班腩少，正如上文所言，味道穩打穩紮，最起碼個茨唔會煮到似膠水咁，而且個豆腐裡面又幾滑。奶茶茶記餐飲嘅不二之選，真喺無可否認，茶記沖嘅奶茶寧捨有茶味，而且又夠滑身。味味佳嘅奶茶，亦都唔錯，茶香質滑。老婆一向都喺講健康嘅人，上次嚟見有個泡飯套餐（$34-$40），所以，介紹俾佢試，應該啱佢口味。8款泡飯中，果然，揀咗個非常健康嘅
味味佳晌依區都好多年，環境、格局都有啲舊，不過，都喺做街坊生意，一貫茶記格局就夠晒啦，有卡位，有圓枱。逼喺逼啲，地盡其用，小店生存喺咁架啦！
嚟食晏通常都唔諗，「精選午餐」3揀1費事煩。是日選擇喺紅燒豆腐班腩飯（$35）、照燒雞扒飯（$37）及干燒蝦仁伊麵（$39），無餐湯，只包熱飲，凍飲加$2，額外加湯又$2，揀特飲半價。
紅燒豆腐班腩飯 $35茶記嘅碟頭飯，勝在飯多，因為好多工人會嚟幫襯，又或一家三口，兩個餐三個人食。豆腐同班腩份量相約，無搵笨豆腐多班腩少，正如上文所言，味道穩打穩紮，最起碼個茨唔會煮到似膠水咁，而且個豆腐裡面又幾滑。
奶茶茶記餐飲嘅不二之選，真喺無可否認，茶記沖嘅奶茶寧捨有茶味，而且又夠滑身。味味佳嘅奶茶，亦都唔錯，茶香質滑。
老婆一向都喺講健康嘅人，上次嚟見有個泡飯套餐（$34-$40），所以，介紹俾佢試，應該啱佢口味。8款泡飯中，果然，揀咗個非常健康嘅鮮雜菌豆腐泡飯，同樣，包一杯熱飲。
鮮雜菌豆腐泡飯 $34雜菌、豆腐鋪滿碗面，絕無欺場，豆腐嫩滑，又有好多菇菌，非常健康，配上雞湯底嘅泡飯，相對清淡得嚟又唔會太寡。
檸水講明佢鍾意健康啲，熱檸水成為佢嘅不二之選，只喺覺得飲熱檸水最唔抵，我返屋企沖俾佢都得啦，哈哈！
好好醜醜又一餐，但大家都食得滿意呀，別忘記，只喺幾十蚊嘅消費！
Post
