愛 . 添 (Closed)

山長水遠去到屯門，梗係要食餐好，夜晚同朋友食完個米線，行咗過去其中一間甜品舖，試咗呢度比較有特式嘅甜品。呢度嘅甜品款式好多，花多眼亂真係好難揀仲有啲來自台灣嘅特式小吃，包括台灣腸同埋鹽酥雞蜜糖雞中翼，佢哋三個小食，可以當作一個拼盤咁叫，仲係即叫即炸，非常新鮮，台灣腸都有唔同嘅款式，有黑腸同埋另外一款，食落去嘅時候好滋味上面又有一啲香料配搭脆口熱辣辣。個雞翼真係好正，用的淹料好香，加少少蜜糖會唔會太過熱氣。飲埋呢度嘅特別嘢飲，試咗佢個綜合水果茶同埋愛芒芝芝，超好飲，口感拍得住另外一間大型連鎖店！芝士好濃厚，有豐富嘅奶泡，加埋芒果肉，誠意十足。綜合水果茶亦非常有聲有色，色彩繽紛呢。