李家 (Closed)

想食炸雞，梗係到開飯搵搵，係旺角見多好評，即刻行去，再係樓下飲番碗野葛菜水，跟住就上樓叫炸雞。環境叫做一般，安排坐係卡位，而卡位個背板直得黎個座板又比較深，所以坐得幾唔舒適，又可能地方太過陳舊，所以有d老人味。兩個人叫咗一碟雞，太約都有十二件，半原味，半辣味。炸雞就肯定熱氣，呢度外面脆皮一定合格，而裡面雞肉就唔夠嫩滑，諗住係名店反而有點失望。辣醬就有點驚喜！一杯韓國生啤，一杯果味啤酒，韓生啤麻麻，果味嗰杯反而好少少。