北海道十勝豚丼 (Closed)

國慶日，參加完陸運會，原本是想到尖咀飲番杯，但因為對腳太痛，改為到旺角食餐飯算。記得生果日報介紹過女人街開了間專食豚肉飯的新店，於是憑記憶尋找，幸好沒有摸錯地址。約 7 時多，門外已站了十人排隊，看著店內的食客吃得津津有味，想必味道不差。等咗差不多 20 分鐘，侍應安排我們坐了張六人枱。枱面很閣落，感覺不錯。叫了網燒汁厚燒豬扒飯、白鹽海風燒豬狎肩 combo和炸豬肉蓮藕餅。combo 有凍豆腐和蜆肉麵豉湯，兩客飯都份量都頗大，厚燒豬扒口感無想中咁好，肉質偏嚡，但豬狎肉則幾爽口，兩者都燒得好香，不錯，可是汁太小。炸豬肉蓮藕餅是兩片蓮藕中間夾著免治豬肉，較為失色，因為脆得不夠香口，兩片蓮藕又較薄，沒有了中和豬肉肥膩感的作用。