Cocolo Tokyo Cake Factory (利東街)

Open Now

Now Closed

今日行經灣仔利東街，發現地庫有間來自日本東京既日式甜點店，店舖細細間，除了有主打批外，都有日式蛋糕同咖啡賣，滿足甜品控。堂食得一張枱，所以建議外賣返去就可以慢慢享受。難得泥到點都要食呢度主打招牌青森蘋果批，佢岩岩岀爐仲熱哄哄，酥皮香脆，入口鬆化，一層一層，層次分明，內裏餡料豐富，唔會好油膩，有滿滿吉士醬，甜度剛好，再特別用上青森蘋果粒，清甜不膩，果然係大師級製作！蛋糕都有好多款，真係花多眼亂，最後我要左梳乎厘芝士蛋糕，日本芝士蛋糕嘅賣相，都係較輕盈，蛋糕入口軟滑，好似食緊梳乎厘咁，同食到淡淡芝士味，果然日本甜點係信心保證，食完嘆返杯咖啡剛剛好。