Video
Read full review
2022-03-26
75 views
喺長沙灣接朋友放工再買嘢食上佢屋企開餐，少嚟咗呢頭一排，發現有唔少新餐廳進場，其中一間就係「SUN HARU」。我被佢舖內嘅塗鴉牆畫所吸引，特別係魷魚遊戲個木頭人👧🏻。我哋買咗兩個一人餐，因為比較啱食。一人餐原價$98，八折之後，每個餐都唔使$80，有齊主食、小食同罐裝飲品，相當抵食🈹👍。軟滑海鮮豆腐湯，唔好睇佢紅卜卜，但其實一啲都唔重口味，🌶辛辣湯底濃淡得宜，微微酸辣，幾開胃，又夠清徹，一啲都唔油。用羹一撈起就知非常足料，有滑滑豆腐之餘，仲有雞蛋🥚、翠玉瓜、洋蔥同各式海鮮(如蝦、青口同蜆等)，非常豐富。韓國炒粉絲，炒粉絲好大盒，可揀配牛肉或腩肉，牛魔王嘅我就要咗前者🐮。韓式粉絲質感煙韌滑溜，並混入椰菜、蘿蔔絲同芝麻等以進一步提升口感。味道上幾好，如果多點麻油香更佳。魷魚鬚🦑，係韓國菜其中一樣常見嘅小食。佢雖然無傳統港式酒樓炸得咁酥脆，但都唔錯。魷魚口感彈牙，易嚼唔會過硬，配埋甜辣醬食，佐酒一流。另一款蜂蜜芥末醬亦同樣惹味🍯。炸雞🍗，韓國餐廳又邊少得炸雞呢？一人餐跟配嘅份量唔少，有成六大嚿，而且仲要無骨，啖啖肉，正啊！炸雞皮拎到返去仍然脆脆哋，而肉質就嫩滑多汁，絕對係驚喜之作😋。題外話
喺長沙灣接朋友放工再買嘢食上佢屋企開餐，少嚟咗呢頭一排，發現有唔少新餐廳進場，其中一間就係「SUN HARU」。我被佢舖內嘅塗鴉牆畫所吸引，特別係魷魚遊戲個木頭人👧🏻。
我哋買咗兩個一人餐，因為比較啱食。一人餐原價$98，八折之後，每個餐都唔使$80，有齊主食、小食同罐裝飲品，相當抵食🈹👍。
軟滑海鮮豆腐湯
135 views
0 likes
0 comments
韓國炒粉絲，炒粉絲好大盒，可揀配牛肉或腩肉，牛魔王嘅我就要咗前者🐮。韓式粉絲質感煙韌滑溜，並混入椰菜、蘿蔔絲同芝麻等以進一步提升口感。味道上幾好，如果多點麻油香更佳。
魷魚鬚
8 views
1 likes
0 comments
炸雞
6 views
0 likes
0 comments
題外話，餐廳現時應該無做堂食❌，希望疫情快啲過去，各行各業可以早日回復正常。
總括嚟講，長沙灣開咗一間幾有水準嘅韓國餐廳🇰🇷，食物不俗，定價合理，街坊有福了。最後，女店員服務態度良好，有禮貌，抵讚。
Post
