Meat King (Closed)

銅鑼灣食野一向都唔平， 隨便一個set lunch都要成舊水， 更何況係食buffet?呢度既semi buffet真係窮人恩物， 最平$88 有個main dish, 出面仲有意粉、沙律、甜品、雪糕、果汁同其他飲品任飲任食。main dish試左漢堡扒， 見晚市好多漢堡扒好評， 所以滿懷期待的， 不過黎到真係幾令人失望， 肉有點鞋， 肉香亦不足， 整體唔多肉汁， 調味亦普普通通， 反而配既燒汁幾好味。 相反個烤雞扒就真係要俾💯分， 首先佢唔係煎既而係烤既， 外皮香脆一啲都唔油！ 雞扒肉質非常嫩滑， 切開雞油慢慢滲出， 質素奇高！雞扒用香草調味， 唔淋汁食都夠味， 大推！橙汁同蔬菜汁雖然唔係鮮榨， 但都好好味唔會太甜，飲多2杯都回本。 沙律好新鮮， 款式又多， 仲有水果添呀！唔飽既可以拿辣意粉同吞拿魚通粉食， 超好味！最後一定要食埋雪糕，我條舌頭話係D記雪糕，除非唔係。 今日有石板街同芒果味，岩晒我口味！ 仲有toppings 加， 真係食得好開心。 食semi buffet都飽到捧住個肚走，埋單每位約$100 多啲啲， 真心抵！