歇腳亭 (元新大廈)

Open Now

Now Closed

啱啱同朋友喺元朗食完飯，下1秒佢哋就話不如去食糖水喇，我當堂打咗突， 心諗你班人唔係啊嘛啱啱先食飽，隔1秒就話去食糖水，你哋以為自己係牛咩？有四個胃？咁當然我又淆底唔夠膽話佢哋啦，唯有死死地合埋個口跟佢哋行呀，行到黎新b仔呢頭，我呢班牛朋友又話唔食糖水，話去掃小食喎。就小食又點可以冇杯茶係手啊，佢哋就話去飲呢間歇腳亭，見佢人都唔太多，唔使點排隊，咁我就叫咗呢杯全家QQ，入邊呢就有仙草啦，大小珍珠，布丁，仲有椰果同紅豆添，總共有六款配料，所以叫做全家喎。