SEDAP惹味馬拉 (Closed)

原來市廣場呢個位開左間馬拉西亞野，今日收早就來試試。餐廳面積都幾大，L字用餐區，幾闊落，坐得舒服。呢個時間都好full，可能呢邊冇同類型食物，加上呢度價錢唔貴，所以都好多人枱面整齊放左餐具、紙巾、水，旁邊嘅櫃桶有牙籤之類。餐牌選擇好多，肉骨茶、小食、飯麵、飛餅、菜、海鮮類都有，而且價錢合理，人均消費百零蚊已經幾豐富，如果人多更加抵啦，又可以叫多幾款。咖央多士：一件切半，咖央醬都算均勻，唔會太甜，多士好微微脆，中規中矩。海南雞飯：加左錢轉雞脾，賣相唔錯啊，雞脾滑溜無骨，肉質完全唔鞋，我地當然連雞皮都食埋啦。飯粒分明，亦都好香，唔錯。點呢個飯仲有個湯，蘿蔔湯幾甜，熱辣辣，蘿蔔都多。胡椒蝦：有少少驚喜，以飛餅墊底，入面嘅蝦大小適中，份量大器，都有十三隻。蝦殼沾滿胡椒醬汁，啜過唔停口，而且唔會話淨係得個殼有味，蝦肉都有少少香氣。蝦肉實淨爽口，唔錯；墊底嘅飛餅要盡快食，其實都幾酥，放涼左會變硬，記得盡快食馬來風光：馬拉盞炒通菜主要係菜葉為主，幾入味，唔會太鹹。巴東牛肉：好快上枱，牛肉沾滿醬汁，唔會好老，幾有嚼勁，但個人認為可以再辣D，會更加惹味。紅豆沙冰抵飲啊，28蚊大大杯，紅豆香，仲有粒粒紅豆