Video
Read full review
2022-06-17
301 views
再次encore樂富呢間日式意大利菜！不過今次黎竟然唔係食意粉呀薄餅呀，而係全新推出嘅Omakase！日本籍料理長團隊 將日本元素融入意大利菜之中，採用季節性食材，打造岀精緻嘅菜式，更有wine pairing供酒鬼們選擇。餐廳劃分左一個較為隱蔽嘅區域 比享用Omakase嘅客人。想食嘅記得預早2至3日訂位呀~▪️OMAKASE $788pp with sakes/ cocktails pairing $1008pp1️⃣海膽三文魚子柚子醋沙律海膽軟滑一啲都唔腥，底下嘅海藻好爽口，旁邊仲有啲三文魚子一添鹹香。配埋酸酸甜甜嘅柚子醋啫喱，口感豐富，濕潤多汁，係一道相當開胃嘅前菜~ 唯獨海膽嘅鮮味 比較容易被柚子醋蓋過。🍶Sake -伝心「雪」純米吟釀🍸Sake Cocktail 2️⃣焗日本生蠔餐廳採用長崎縣生蠔，加入馬爹利酒，凸顯蠔嘅鮮味，面頭更舖滿芝士。生蠔爽滑多汁，肉質豐滿，一啲都唔腥！不過由於面頭實在太多芝士，初初入口會先食到芝士嘅鹹香，繼而先食到蠔嘅鮮甜。3️⃣松葉蟹肉牛油果他他沙律 牛油果蓉口感軟滑，松葉蟹肉海水味十足。飲返啖Sake，蟹肉鮮味更濃郁。沙律面頭仲舖左好多爽口蔬菜，包保今餐有纖
日本籍料理長團隊 將日本元素融入意大利菜之中，採用季節性食材，打造岀精緻嘅菜式，更有wine pairing供酒鬼們選擇。餐廳劃分左一個較為隱蔽嘅區域 比享用Omakase嘅客人。想食嘅記得預早2至3日訂位呀~
▪️OMAKASE $788pp
with sakes/ cocktails pairing $1008pp
1️⃣海膽三文魚子柚子醋沙律
海膽軟滑一啲都唔腥，底下嘅海藻好爽口，旁邊仲有啲三文魚子一添鹹香。配埋酸酸甜甜嘅柚子醋啫喱，口感豐富，濕潤多汁，係一道相當開胃嘅前菜~ 唯獨海膽嘅鮮味 比較容易被柚子醋蓋過。
🍶Sake -伝心「雪」純米吟釀
🍸Sake Cocktail
2️⃣焗日本生蠔
餐廳採用長崎縣生蠔，加入馬爹利酒，凸顯蠔嘅鮮味，面頭更舖滿芝士。生蠔爽滑多汁，肉質豐滿，一啲都唔腥！不過由於面頭實在太多芝士，初初入口會先食到芝士嘅鹹香，繼而先食到蠔嘅鮮甜。
3️⃣松葉蟹肉牛油果他他沙律
牛油果蓉口感軟滑，松葉蟹肉海水味十足。飲返啖Sake，蟹肉鮮味更濃郁。沙律面頭仲舖左好多爽口蔬菜，包保今餐有纖維。又係相當清新嘅一道~
🍶Sake -菊正宗 鮮榨生貯藏酒
🍸Gin Cocktail
4️⃣火炙醬油本鮪中拖羅
中拖羅經火炙，但脂香都唔算突岀，普通~ 勝在軟滑無筋，魚味突出。
5️⃣銀鱈魚西京燒
銀鱈魚肉質相當嫩滑，一片一片入口即化。醬汁以白味噌做底、加入清酒作調味，甜甜鹹鹹嘅味道同銀鱈魚基本上係不敗組合。調味恰到好處，唔會過濃而蓋過魚肉本身。配埋酒精濃度較高、較辛口嘅清酒，魚味更為突出。
🍶Sake - 長龍酒造 吉野杉之樽酒
🍸Whiskey Cocktail
6️⃣鮑魚燴飯
鮑魚燴飯
14 views
0 likes
0 comments
一上枱就聞到勁香！鮑魚軟腍有彈性，富炙燒香。燴飯口感偏軟腍偏濕，入口濃濃嘅忌廉同黑椒味。偶爾咬到三文魚子，更可一添鹹香鮮味。無論食到幾飽都好，都忍唔住食晒。驟眼望仲見到啲煙肉碎，不過食落存在感偏低，如果可以煎得香脆啲就好啦~
7️⃣料理長甜品：朱古力蛋糕 & 哈密瓜
蛋糕質地同平時嘅有啲唔同，滑得黎偏實在。店員就話蛋糕有個特別嘅食法：一啖cream一啖蛋糕咁食~ 單食蛋糕真係會覺得實在左啲，加埋cream就會較為滑溜輕身啲。不過始終朱古力味唔算好濃郁，整體偏膩，個人普普通通~
而哈密瓜就好岀色！香甜多汁！可以中和油膩感，都算為呢餐畫上完美嘅句號。🍶Sake - 月山酒造 銀嶺月山佐佐良月
🍸Umeshu Cocktail
Post
