Video
Read full review
2019-02-28
322 views
當初朋友約我去興中會食飯，就覺得個名好搞笑，因為係讀書時代興中會同孫中山係有着密不可分嘅關係。以為佢搞爛gag😂點知原來呢間餐廳係响興中會舊址改建而成。有懷舊嘅點心之外，仲有好多特色嘅小菜，設計摩登,坐高吧枱食點心都真係第一次。唔單止可以揀中國茶，佢仲有其他酒類供應添🤞🏻啱晒外交花臣嘅我地😄商量咗一輪，我地決定分批嗌，咁就可以慢慢食住嘆。點心類我最欣賞XO醬煎腸粉，皮唔會太厚，米漿製成好滑溜，經過微煎後好香口。另外要讚下，好多款都可以斷件叫，份量控制就更加彈性，又可以試多幾樣👍🏻 炸豆腐一人一件，有d似街頭唔臭版嘅臭豆腐，外脆內軟。大良鮮奶卷嘅牛奶味香濃，係香脆嘅外皮包裹下，好邪惡🙊炸漿厚薄適中，好食🤤興中會蝦餃皇同帶子黑松露燒賣單價唔算平，但食完就會明點解會比平時茶樓貴😏真材實料，啖啖蝦肉，外內涵都100分😋小菜類就嗌咗牛油蘆筍炒雜菌。蘆筍唔會老到有渣，牛油比例控制得宜，令整體味道配合得啱啱好🤗菠蘿咕嚕肉係小時候最愛嘅一道菜之一，尤其d炒過嘅菠蘿，酸酸甜甜好醒胃。秘製麻辣雞有驚喜，估唔到大㕑手勢咁多樣化，連麻辣雞調味都咁岀色，雞件經過烹煮後依然保留肉汁，辣汁令人食到欲罷不能😂😂干炒韓
有懷舊嘅點心之外，仲有好多特色嘅小菜，設計摩登,坐高吧枱食點心都真係第一次。唔單止可以揀中國茶，佢仲有其他酒類供應添🤞🏻啱晒外交花臣嘅我地😄
商量咗一輪，我地決定分批嗌，咁就可以慢慢食住嘆。點心類我最欣賞XO醬煎腸粉，皮唔會太厚，米漿製成好滑溜，經過微煎後好香口。
另外要讚下，好多款都可以斷件叫，份量控制就更加彈性，又可以試多幾樣👍🏻 炸豆腐一人一件，有d似街頭唔臭版嘅臭豆腐，外脆內軟。
大良鮮奶卷嘅牛奶味香濃，係香脆嘅外皮包裹下，好邪惡🙊炸漿厚薄適中，好食🤤
興中會蝦餃皇同帶子黑松露燒賣單價唔算平，但食完就會明點解會比平時茶樓貴😏真材實料，啖啖蝦肉，外內涵都100分😋
小菜類就嗌咗牛油蘆筍炒雜菌。蘆筍唔會老到有渣，牛油比例控制得宜，令整體味道配合得啱啱好🤗
菠蘿咕嚕肉係小時候最愛嘅一道菜之一，尤其d炒過嘅菠蘿，酸酸甜甜好醒胃。
秘製麻辣雞有驚喜，估唔到大㕑手勢咁多樣化，連麻辣雞調味都咁岀色，雞件經過烹煮後依然保留肉汁，辣汁令人食到欲罷不能😂😂
干炒韓牛河售價偏高，因為店家用上韓牛黎做主角。除咗調味，食材果然都係一道菜嘅靈魂，同一般乾炒牛河係無得比嘅！河粉Q彈索曬d醬汁之後，高卡邪惡但食完先算啦🤤
甜品有熱辣辣嘅紅棗糕，同埋好足料好香嘅桂花糕，
呢餐由頭到尾都係一個好滿足嘅體驗，尤其個環境同菜餚嘅選擇，都令人好有驚喜👍🏻唯一美中不足係食唔到好多人都推介嘅蒜蓉開邊蝦😢留下伏線俾機會我再度回訪吧🙊
Post
