月．火鳳燒鳥 (Closed)

店內裝潢同佢店名一樣都係行華麗路線，正門有特大圓形玻璃窗，店內清酒飾櫃還有動畫在半透明櫥窗上，好似真實出現在酒樽上面，睇得出新派餐廳擺放好多心機。除此，樓上佈置成黑夜和室，月光般的燈光作主要光源氣氛一流，位置舒適好岩一班人休閒食餐好。食物選料好用心，刺身想試新口味既朋友不妨點𩶘魚、深海池魚，一嘗食材鮮味及師傅刀功，個人特別鍾意池魚的濃鮮味，夠特別。要調味的菜式，餐廳一樣做得令人滿意，燒帆立貝經過蛋黃醬、沖繩煙肉醬調味，食落有微烤洋蔥胡椒辛香，相信係師傅其中一道得意之作。烤原條黑鯛難道高，能夠近距離望到師傅用心製作食物好難得。烤黑鯛少骨肉質不會鬆散，要夾魚肉非常容易，食得舒服。肉味帶咸香，簡單調味便做出令人印象深刻的菜式。