凱逸餐室

Open Now

Now Closed

本身有自己食開既一間茶餐廳，不過今日想試下其他，行過西菁街，睇到有間凱逸冰室，全日常餐$50,包左一個餸（雞扒/雞翼/五香肉丁果啲），一塊多士，2個細餸（煎蛋/餐肉/火腿/腸仔等等）或1個火腿奄列，另外有熱飲，凍飲加$3.呢間冰室用QR Code 落單，落完之後6分鐘就上枱，好快手，特別一提，常餐叫出前一丁係唔洗加錢😻不過我嗌既時候眼殘。。。叫左公仔麵，之後睇返餐牌先知🤦🏻‍♀️我唔記得左影餐肉果d...雖然煎蛋同餐肉都係各一塊，但係餐肉好厚👍煎雞扒都好厚肉，一啲都唔乾，入面仲有肉汁，不過我覺得唔係話夠味，佢夠鹹，但就係等一個普通鹹味，冇其他味道，唔係好知點形容😅不過整體來講都ok 既，而家$50一個常餐，咁豐富應該係叫平架喇。。。