慢煮工業 (Closed)

太子道西嘅慢煮工業，之前同朋友路過附近見好似得呢間cafe，見環境ok，就入去試吓。咁啱lunch time,見佢有lunch set，都幾抵食，所以揀咗最貴嘅128一份嘅all day breakfast ，最特別係有大大份既安格斯牛扒，或者可以揀半隻龍蝦，食肉獸嘅我梗係揀安格斯牛扒🤣雖然肥咗少少，但幾好味，夠牛味，又唔會咬唔郁，大大份，呢個價錢仲包杯野飲，不過咖啡要加少少錢，但都算好抵食，好滿意。另外炒蛋、大啡菇都好味，仲有薯餅、茄汁豆、麵包同少少沙律菜，份量都好足，大家叫唔同嘅嘢share食比較好。