鳥匠

Open Now

Now Closed

🤭次次經過石板街，都覺得佢嘅門面好靚，亦都好出眾。又去到中環食午飯嘅時間，今次就同同事仔happy long lunch， 先至夠膽book呢間。 😅🙇🏻‍♀️我哋好好彩坐正喺師傅面前，可以睇佢席前燒。三個師傅全部都係日本人，佢哋冇停過手喺廚房好有協調咁👍menu上有好多選擇， 基本上我樣樣都想試，呢間主打係燒鳥，所以我哋都落咗好多。燒雞腿，燒雞翼，免治雞肉棒，雞軟骨，雞肉捲 ，我哋都叫曬，每一樣都好出色好好味，燒得啱啱好，外脆內軟，味道又不會單一，因為有唔同嘅醃料同埋調味。 🍳玉子燒， 豆腐，🫛蘆筍，🍡冬菇，🍄雞髀菇， 🥓煙肉芝士卷，🐷豚肉蘆筍卷🫡全部都無可挑剔，因為真係師傅全程望住個火， 先後有序地處理食材同埋燒物。我哋仲有嗌咗個🍱親子丼，係上曬啲燒物後先至上。所有嘢都好step by step，基本上你落咗單之後就可以完全唔使理所有野，只係等食就得。🫨我哋都有留意到師傅係唔會理你先落單定係隔離枱先落單，佢哋燒嘢嘅次序真係會有佢哋嘅考量，例如先燒鳥，後燒其他，豚肉，野菜，然後佢哋會知道我哋嗌嘅燒物得七七八八，佢哋先至整親子丼。所有嘢都係師傅嘅掌控之中，呢種體驗好特別，好強迫症，哈哈。