元元酸菜魚

Open Now

Now Closed

元元酸菜魚 📍鑽石山龍蟠街3號荷里活廣場1樓173B-174號舖元元酸菜魚有個幾抵食嘅全日套餐，二人餐有埋酸菜魚都係 $388， 包一碟冷盤，一份小炒，兩碗白飯同飲品。比散叫真係平，仲要星期一至日都有供應。冷盤揀咗口水雞，啖啖肉醬汁又多，係幾開胃。小炒我哋要咗個炒土豆絲，酸辣口味刺激又醒神，重點係好大碟😂 可能兩個大男人食先清得晒！主角酸菜魚份量多，足夠2-3人食，魚肉嫩滑，裏面有各式配料，例如芽菜、萵筍、薯粉、黑木耳、豆卜。湯底屬於較重魚湯味，帶有薑辣味道，而且極體比較清淡，唔會有一層油係面果種。佢地嘅擺盤設計冇額外加熱，所以唔怕魚肉片耐咗質感會變鞋，可以慢慢食。因為唔想要兩份白飯，所以加錢$25換咗個擔擔麵。肉醬比例平均，湯都算杰身，白飯以外都係一個可以考慮嘅選擇。