The Joomak (Closed)

長假期總有一系列的慶祝活動，朋友就帶咗我去海港城的JooMak。店內環境都幾高級，座位舒適闊落。最正係可以睇到無遮無掩的全海景，當日仲有大郵輪靠岸添！中式火鍋就食得多，韓式火鍋係第一次食。我揀咗最愛的人蔘雞湯湯底，人蔘味道超濃郁，好滋補。朋友仔就介紹我食呢個素菜湯底，粉紅色超靚！原來係類似豆漿的口感同味道，配上七彩素面，實在好夠特色。朋友仔話想健康啲，就點左個素菜拼盤，吸收晒粉紅色的精華，食多幾啖都唔怕肥！我繼續係美食行先，龍蝦拼肥牛。龍蝦好大隻，厚肉又鮮甜。拼盤來講，真係好抵食，冇估到有咁高質的新鮮龍蝦。除咗火鍋之外，當晚另一個驚喜就係炸雞。一向唔係特別喜愛韓式炸雞，但佢哋個炸雞能夠炸到外脆內軟，實在唔簡單。而且佢哋有幾款醬汁撈埋，又有芝士味，又有忌廉味，口感同味道都好夠層次。靚景、美食，配上一杯特飲，就是生活態度！