座銀

Open Now

Now Closed

剛開業初期已經光顧，當時只有跑馬地一間小店。直到現在中環已開設分店，沒想到還是要排隊。夜晚8點來到，前面有4人在排，所以等咗大約5分鐘就可以入座。雞沾麵 $148每次來嘅時候都係食雞白湯拉麵，所以今次就試吓個沾麵。一上枱嘅時候已經見到個沾麵好白好Rich。沾麵跟嘅牛蒡比湯拉麵嘅少，兩者拉麵底都有分別，沾麵係比較粗同扁身。第一啖開始食嘅時候完全有驚喜！！ 湯底係比平時湯拉麵濃一倍以上，濃而不膩又Creamy。拉麵又有嚼口煙煙靭靭，軟硬情度剛剛好！成碗嘅份量係一定足夠一位壯男食用湯汁都好掛麵，唔會一沾完啲湯汁就流返晒落去，啖啖都食到濃郁嘅沾麵。湯汁食到差唔多一半先發現，原來唔單止有湯，仲有笋干、雞肉同洋蔥，開心大發現嘅感覺。湯汁入邊嘅雞肉同本身跟嘅雞肉唔同，碗中嘅係白色碎塊雞肉，已經索哂湯汁而且好嫩滑！個人更喜歡呢款雞肉 唯一美中不足嘅係沾麵湯做法不是熱辣辣，不知原因為何？ 不過濃郁厚實嘅湯加咁有嚼口嘅麵已經值回票價！