Video
Read full review
2021-05-22
519 views
想食開胃嘢，第一時間諗到食惹味泰國菜，就即刻上OpenRice揀餐廳，見到呢間泰Cool有咁多好評，諗住冇死安全啦，點知就出事。一去到，因為比較早，得兩三枱客，入到去見到啲櫈有不明碎，覺得少少污糟，但店員肯比第二張枱，態度都ok，就坐低咗，但原來呢個先係惡夢嘅開始。叫左四樣嘢，冇樣係人食，以下逐一介紹。青蘋果冰茶，36蚊，加埋一要40，我以為係高質特飲啦，點知嚟到係檸檬片加茶（即係凍檸茶），再加少少青蘋果糖漿，啲糖漿係個底仲未撈勻（張圖已經係自己撈完），收人咁貴，可唔可以比啲誠意？呢個炒豬頸肉，我真係笑咗出嚟，請問餐廳對泰國菜嘅定義係唔係有啲誤會？搞乜鬼好似大排檔三色椒炒豬肉咁？仲要有中式芡汁.....啲豬頸肉又厚。係香港食泰國菜都預咗唔會咁正宗，但你直接將香港菜式當泰國菜，完全唔符合客人預期想要嘅嘢。呢個椰子雞湯真經典，冇椰子味冇雞味，又太酸，我哋放咗係到一陣，湯面浮起一層嘢，就係好似平時食公仔麵浮味精喺湯表層咁，十成九係味精湯。啲雞好鞋，成個湯最好味係塊菇。再放多一陣，個湯變味，好似熱咗嘅保礦力，結果幾乎成煲冇飲。呢個一定係今晚嘅精華。一開頭見到，覺得幾靚，點知都係伏。上面啲芝士定
一去到，因為比較早，得兩三枱客，入到去見到啲櫈有不明碎，覺得少少污糟，但店員肯比第二張枱，態度都ok，就坐低咗，但原來呢個先係惡夢嘅開始。
叫左四樣嘢，冇樣係人食，以下逐一介紹。
青蘋果冰茶
$36
13 views
0 likes
0 comments
青蘋果冰茶，36蚊，加埋一要40，我以為係高質特飲啦，點知嚟到係檸檬片加茶（即係凍檸茶），再加少少青蘋果糖漿，啲糖漿係個底仲未撈勻（張圖已經係自己撈完），收人咁貴，可唔可以比啲誠意？
青胡椒炒豬頸肉
$88
16 views
0 likes
0 comments
呢個炒豬頸肉，我真係笑咗出嚟，請問餐廳對泰國菜嘅定義係唔係有啲誤會？搞乜鬼好似大排檔三色椒炒豬肉咁？仲要有中式芡汁.....啲豬頸肉又厚。係香港食泰國菜都預咗唔會咁正宗，但你直接將香港菜式當泰國菜，完全唔符合客人預期想要嘅嘢。
椰子雞湯
$88
11 views
0 likes
0 comments
呢個椰子雞湯真經典，冇椰子味冇雞味，又太酸，我哋放咗係到一陣，湯面浮起一層嘢，就係好似平時食公仔麵浮味精喺湯表層咁，十成九係味精湯。啲雞好鞋，成個湯最好味係塊菇。再放多一陣，個湯變味，好似熱咗嘅保礦力，結果幾乎成煲冇飲。
原個椰香海鮮焗飯
$138
21 views
0 likes
0 comments
呢個一定係今晚嘅精華。一開頭見到，覺得幾靚，點知都係伏。上面啲芝士定白汁，好似鼻涕咁，食落去會反胃，個焗飯底就好似平時食焗豬扒飯咁，完全無泰國菜feel，仲要有三色豆，我未見過泰國菜有三色豆嘅，希望廚師可以做下research先。最好笑嘅係，因為呢個係椰青飯，咁個飯係有椰青塊嘅，我好欣賞廚師有呢種創意，諗到椰青可以熱食......但想問廚師自己到底有冇食過呢兜嘢？點解難食到咁都要為咗Gimmick拎出嚟害人？
呢餐垃圾食咗385蚊，完全唔值。
後記：
見到好多人話呢間嘢黃到金乜乜乜，黃店唔係大曬，政治係首要，但唔好食嘅都係要收檔，物競天擇。我食完甚至係懷疑藍店扮黃店，賺黃絲錢煮豬餿比人食。
我不斷諗點解可以咁難食，係咪係廚師喺大排檔做咗一個月學徒，比人炒咗，嚟咗呢到做，第一日番工？定係隔離營廚師過咗檔嚟做？還是老細迫你要諗gimmick嘢，你諗到最後一刻先諗到椰青飯嚟敷衍老細？
希望餐廳有心做嘅改善下，但我應該唔會再嚟。
Post
