強記鳳爪

Open Now

Now Closed

又去大埔。離開前雖然唔係太順路，但點都要去大埔街市內的「強記鳳爪」，買我心目中全港最佳的白雲鳳爪。白雲鳳爪看似簡單，但整得好與壞真係有天淵之別，尤其是最怕那些得個外表白淨，本身毫無味道的。這裏最基本的白雲鳳爪已浸過白滷水，加上一點白芝麻相伴，就咁食已經十分爽口甘美。不過，大部份人都會在白雲、泰式、香辣、麻辣、沙薑、魚露、黑椒或酸甜八種口味的選擇一款。老闆便會拿去鐵盤上幫你加調味攪拌一番。另外，你亦可選有骨或去骨的鳳爪。我這種傳統並要追求口感的人，當然要有骨啦。口味方面，我選了沙薑加辣，就咁食已好味到震，加點點附送的酸汁，味道更變得酸辣鹹錯縱複雜，太正斗了。