Café&Meal MUJI (Closed)

呢間係九龍灣德福廣場新開既Muji除咗係全港最大，亦都係全港唯一一間設有冷凍櫃嘅Muji，而且仲好似超級市場咁有齊新鮮蔬果counter，仲可以係專櫃揀唔同既日本米同茶葉，行一轉已經可以買齊衣食住行既用品，好方便。呢度既Cafe＆Meal Muji同其他分店一樣都係主打三／四品料理，可以係唔同熱盤同冷盤揀，另外仲有多款布甸、蛋糕同芭菲。 四品料理每人有2款冷盤同2款熱盤揀，冷盤分別揀咗北海道粟米厚燒玉子、芝麻醬拌菠菜冬菇、西柚帶子沙律同火箭菜牛肉沙律，而熱盤就揀咗黑醋醬豚肉、蔬菜素肉卷、北海道粟米蝦丸子同黑木耳醬烤茄子。食物都係貫徹Muji風，口味比較清淡，調味唔重，尤其玉子燒味道欠奉，不過蝦丸子、芝麻菠菜比較推薦，整體好有住家菜、健健康康既感覺。 白芝麻布甸呢度有唔少甜品款式可以選擇，呢度可以睇住甜品櫃慢慢揀。今次就試咗比較少見既白芝麻布甸，order之後先會淋上焦糖醬係面頭。布甸食落好軟身，偏向mousse質感，越食芝麻味越濃越突出，面頭焦糖醬唔算好甜，不過都會提升咗布甸整體既甜度，個人嚟講就希望可以落少啲醬就更好。 人均消費：$130推介指數（10分為滿分）：7分