Video
Read full review
2022-02-27
609 views
相信有留意開壽喜燒嘅朋友一定會識呢間一位難求、超高人氣嘅關西風壽喜燒 - すき焼 森。想揀個靚日子食飯就要每個月1號去門口排隊預訂下個月時間，因為餐廳電話長期唔係打唔入就係冇人聽🥲我無咁神心1號就去排隊，咁啱過咗兩三日有機會去開中環就踩上去試吓問仲有冇得訂枱。總店理所當然已經full booking，叫我地可以試下歌賦街分店應該仲有lunch quota。最後quota唔多，既然想試又唔想再等下個月唯有我地就佢日子，是但簡左日望落ok就算😂嗰陣未停晚市堂食，book左lunch都算誤打誤撞無受影響～-🍴Sukiyaki lunch set $580/pp🍴-🥕前菜前菜真係菜😂款式普通，味道亦普通。-🥚蒸物（松葉蟹蒸蛋）蟹肉頗多，蛋夠嫩滑，整體偏重口味少少不過岩我口味😚-🧅野菜冬菇、豆腐、京都麵筋（外型似豆腐、口感似魚腐）、芋絲等吸收左壽喜燒汁之後好入味😋👏🏻-🐮壽喜燒（滋賀縣近江 A4和牛 - 西冷、肩胛）關西風壽喜燒做法會落砂糖，所以口味上會偏甜少少，加上煎過後亦帶有一種焦香感覺。而關東風壽喜燒就會似打邊爐咁樣，菜同肉一鍋過一齊煮～A4和牛油脂感唔太重，食到肉嘅口感亦唔會韌唔鞋口，啱
想揀個靚日子食飯就要每個月1號去門口排隊預訂下個月時間，因為餐廳電話長期唔係打唔入就係冇人聽🥲
我無咁神心1號就去排隊，咁啱過咗兩三日有機會去開中環就踩上去試吓問仲有冇得訂枱。總店理所當然已經full booking，叫我地可以試下歌賦街分店應該仲有lunch quota。
最後quota唔多，既然想試又唔想再等下個月唯有我地就佢日子，是但簡左日望落ok就算😂嗰陣未停晚市堂食，book左lunch都算誤打誤撞無受影響～
-
🍴Sukiyaki lunch set $580/pp🍴
-
🥕前菜
前菜真係菜😂款式普通，味道亦普通。
-
🥚蒸物（松葉蟹蒸蛋）
蟹肉頗多，蛋夠嫩滑，整體偏重口味少少不過岩我口味😚
-
🧅野菜
冬菇、豆腐、京都麵筋（外型似豆腐、口感似魚腐）、芋絲等吸收左壽喜燒汁之後好入味😋👏🏻
-
🐮壽喜燒（滋賀縣近江 A4和牛 - 西冷、肩胛）
關西風壽喜燒做法會落砂糖，所以口味上會偏甜少少，加上煎過後亦帶有一種焦香感覺。而關東風壽喜燒就會似打邊爐咁樣，菜同肉一鍋過一齊煮～
A4和牛油脂感唔太重，食到肉嘅口感亦唔會韌唔鞋口，啱晒唔鍾意太油膩的me😛每食一塊牛都有滿滿的幸福感呢🧡
-
🍚御飯（滑蛋牛肉飯）
好多人話記得要留肚食呢個最後出場嘅超正滑蛋牛肉飯，個人覺得味道係唔錯不過又唔係特別好好食😂但係個滑蛋真係整得唔錯～
-
🍨甜品（雪糕 - 士多啤梨/抹茶）
☕️飲品（咖啡/檸檬水）
-
總結：主角壽喜燒牛係好食嘅，不過呢個價錢係可預期質素，前菜同甜品感覺Hea咗少少就有點小失望。
雖然師傅係一對一，不過keep住全程無停手不停燒，變左用餐節奏有啲急趕，有時無好認真試清楚咩味就趕住食下一樣🥲
整體好食但未到有驚喜，加上價位同超難訂位關係未有encore衝動，有機會試埋城中另外兩間比較有名氣嘅壽喜燒再作比較。
Post
