Video
Read full review
2012-05-20
1938 views
本來個落地玻璃維多利亞港無敵大海景真係好正, 但係太多人, 檯與檯之間好迫, 好嘈, 樓上Lobby Lounge傳來的現場樂隊演奏本來是不錯的, 但混雜了嘈吵的人聲就變成噪音了. 坐窗口位或是梳化位係幾正, 但千奇唔好坐buffet檯前面果排位, 勁俾人撞, 好annoying. 而且buffet 檯設計是單向式, 客人只可從一個方向取食物, 所以經常造成人龍, 餐廳的裝潢亦過時, 傢俬和裝修都很舊式. 食物款式多, 有好多貴價食物, 賣相都幾吸引, 最驚喜係有帶子刺身, 好少buffet 有, 而且切sashimi的師傅一D都唔孤寒, 好豪咁一次過俾一大堆9隻甜蝦你, 但係壽司全部都係普通貨色, 唔吸引. 芝士有好多款, 擺放得好企理. 沙律雖然選擇唔算多, 但都幾新鮮. 凍海鮮選擇好多, 蟹腳都有兩種, 有雪場蟹又有阿拉斯加蟹腳, 有龍蝦再另外有波士頓龍蝦拑. 又有去殼大蝦, 帶子, 小墨魚, 肉蟹等等, 但味道都很淡, 唔夠鮮甜, 要點好多醬汁先有味. 熱海鮮都有幾款, 有焗蟹蓋, 炒海鮮, 辣煮翡翠螺等等. 雖然煎鵝肝係任食, 但係煎得過火, 黑黑的, 廚師將鵝肝放上客人隻碟
食物款式多, 有好多貴價食物, 賣相都幾吸引, 最驚喜係有帶子刺身, 好少buffet 有, 而且切sashimi的師傅一D都唔孤寒, 好豪咁一次過俾一大堆9隻甜蝦你, 但係壽司全部都係普通貨色, 唔吸引. 芝士有好多款, 擺放得好企理. 沙律雖然選擇唔算多, 但都幾新鮮.
凍海鮮選擇好多, 蟹腳都有兩種, 有雪場蟹又有阿拉斯加蟹腳, 有龍蝦再另外有波士頓龍蝦拑. 又有去殼大蝦, 帶子, 小墨魚, 肉蟹等等, 但味道都很淡, 唔夠鮮甜, 要點好多醬汁先有味. 熱海鮮都有幾款, 有焗蟹蓋, 炒海鮮, 辣煮翡翠螺等等.
雖然煎鵝肝係任食, 但係煎得過火, 黑黑的, 廚師將鵝肝放上客人隻碟時, 同時間放埋一大堆油上去, 我知道煎鵝肝係會出好多油, 但係都可以用kitchen paper吸走D油先上碟架麻, 而且塊鵝肝無咩鵝肝應有既香滑感覺, 亦無鵝肝的香濃油脂味道. 燕窩雞蓉羹都幾足料. 牛柳粒好腍, 但係質感好假, 好似用鬆肉粉“拿”到好腍咁, 無左牛肉本身既texture同味道. 炸天婦羅都有好多款, 有大蝦有蔬菜, 都算炸得乾身, 但炸漿厚左D. 北京田鴨整得好鬼鼠, 有個牌, 但係睇唔到師傅包, 要問師傅先有, 而且唔係用京蔥, 係用街市買菜搭幾條果D普通蔥, 仲要無切蔥絲, 三大條蔥包係入面, 一D都唔正宗. 無晒蟹蓋之後出焗田螺, 下面有薯蓉, 做得很好, 味道恰到好處, 剛剛焗好即刻食, 特別好味. 咖喱得一款, 而且油酥餅放係個碟再用蒸汽焗住, 變得好油和好濕.
甜品好多款式, 賣相都幾吸引, 但係口味都幾鬼佬 style, 唔係好合中國人口味. Apple Crumble好食, 新鮮焗完出黎即刻食更好味. 心太軟焗朱古力蛋糕都好味, 但因為放左一陣, 個心D朱古力已經唔會流出黎, 而且用個錫紙杯仔裝住, 賣相唔得. 其他蛋糕同甜品無咩驚喜.
侍應收碟速度好快, 大部份侍應都很年青和反應好快, 離好遠見到我舉手都即刻走過黎, 廚師refill速度亦好快, D食物未食完, 仲有成三分一以上已經拎返入廚房refill, 而且buffet 檯經常保持整潔, 讚!
包一杯特飲, 不過成七百幾蚊, 加埋一差唔多八百蚊一位, 真係好貴, 雖然都有好多回本野食, 不過肚皮有限, 又食唔到咁多, 又有好多食物唔合口味, 所以唔係好抵.
Post
