Video
Read full review
2021-09-26
2037 views
之前係中環食過果間圓圈三角我以為個價錢已經係拉麵店既頂點但原來有一間開係K11 musea既拉麵店係仲更加貴呢間叫做多賀野果日睇完黑寡婦就走左去試下聽講岩岩開果時係大排長龍我地星期六一點九左右去到都要排十個八個左右大約等左十五分鐘左右多賀野本店係東京tabelog都仲有3.91分算高分既亦都係日本前必比登推介既餐廳而家香港呢間話係多賀野第一間海外分店由嚐高美集團引入風格望落去就完全唔同呢間多賀野廚房係門口附近企係門口都可以望到少少有幾個類似bar檯既座位而我地就坐普通既二人檯未至於叫做同格離搭檯但個距離係好近好近完全聽到格離講乜佢仲有梳化位既關左中間隻窗就會變左單邊座位日本多賀野係一間中華拉麵主打豚鴨沾麵係google map睇相見到賣1100YEN而家香港賣168蚊價錢足足係日本既兩倍另外仲有個限定蟹皇沾麵再貴多廿蚊個價位就已經唔係圓圈三角既級數追到餐廳廚房就唔算好開放式但製麵機就大大部比人欣賞食足咁耐師傅就整足咁耐麵唔知佢係咪會玩足一日另外餐廳有個優惠like左佢地社交平台就可以用半價叫小食但條件係要點一樣正價飲品講到尾其實即係叫小食送野飲咁聽講佢地個蟹肉薯餅幾好食就叫左一份一份有
我以為個價錢已經係拉麵店既頂點
但原來有一間開係K11 musea既拉麵店係仲更加貴
呢間叫做多賀野
果日睇完黑寡婦就走左去試下
聽講岩岩開果時係大排長龍
我地星期六一點九左右去到都要排十個八個左右
大約等左十五分鐘左右多賀野本店係東京
tabelog都仲有3.91分
算高分既
亦都係日本前必比登推介既餐廳
而家香港呢間話係多賀野第一間海外分店
由嚐高美集團引入
風格望落去就完全唔同
呢間多賀野廚房係門口附近
企係門口都可以望到少少
有幾個類似bar檯既座位
而我地就坐普通既二人檯
未至於叫做同格離搭檯但個距離係好近好近
完全聽到格離講乜
佢仲有梳化位既
關左中間隻窗就會變左單邊座位日本多賀野係一間中華拉麵
主打豚鴨沾麵
係google map睇相見到賣1100YEN
而家香港賣168蚊
價錢足足係日本既兩倍
另外仲有個限定蟹皇沾麵
再貴多廿蚊個價位就已經唔係圓圈三角既級數追到
餐廳廚房就唔算好開放式
但製麵機就大大部比人欣賞
食足咁耐師傅就整足咁耐麵唔知佢係咪會玩足一日
另外餐廳有個優惠
like左佢地社交平台
就可以用半價叫小食
但條件係要點一樣正價飲品
講到尾其實即係叫小食送野飲
咁聽講佢地個蟹肉薯餅幾好食
就叫左一份
自家製蟹肉薯餅
$34
36 views
0 likes
0 comments
入面都多蟹肉香口幾好食
格硬叫既波子汽水
密瓜波子汽水
$38
34 views
0 likes
0 comments
呢間拉麵店開係商場
就真係有服務既
而且仲唔錯
不過侍應妹妹係我食緊件薯餅上麵就真係要扣分
蟹皇沾麵
極上蟹皇沾麵
$188
36 views
0 likes
0 comments
碗湯都重蟹味同有蟹肉入面
之前有打手係關注組吹到呢個麵係香港第一
我而家要比正價黎食就唔係咁甘心
點解無人搵我黎試食
我點既豚鴨沾麵
豚鴨沾麵
$168
41 views
0 likes
0 comments
碗湯好熱好清好甜
完全可以就咁飲
自製麵都唔錯
不過就無泓一果種麵味
呢個掛湯能力無
就唔關個麵事既
整體黎講就唔差既
如果係日本價既話
最後先知原來仲要加一
唔怪得知侍應真係會瘋狂斟茶
即係豚鴨麵加服務費後要一百八十幾
而個蟹麵更加要過二百
呢個價位我諗香港真係無乜邊間可以超越到佢
服務同環境都唔錯既
但個價位實在係太離地
味道唔算好突出
試一次就夠
Post
