Video
Read full review
2021-06-24
6996 views
❀ Odyssée #尖沙咀 ❀❗️全港最高法國餐廳兼270度海景 午市最平只需$280❗️——————————————————位於101大樓，被成個維港景色包圍，係全港最高嘅法國餐廳，景色靚不在話下🤩法籍女主廚Aurélie Altemaire來頭亦唔細，已經有20多年嘅入廚經驗，曾經喺法國、美國、倫敦嘅頂級餐廳做過，更加係倫敦三星級L’Atélier de Joël Robuchon 擔任10年嘅行政總廚👍🏻作為一位女主廚，我覺得佢對擺盆嘅心思更加細密，菜式又靚又好食，最後嘅甜品更有小機關，非常吸睛😻。一如大部份高級餐廳，菜式都係運用時令食材，定期更換。最吸引之處係mix and match 嘅lunch menu，價錢非常親民，分別有兩$390/三$440/四道菜$490，絕對係性價比超高，慶祝一流之選✨！.小插曲‼️服務真係有待改善，打電話嚟confirm嘅時候態度幾惡劣。。。另外想上菜介紹食物嘅時候亦唔太熟悉/少求其🥺唯獨係有一個熱情嘅法國侍應好少少🤏特登為我哋安排個270度嘅海景位置。不過以呢個價錢我覺得都算係超值！.✷𝑀𝑒𝓃𝓊✷☞ 3 Courses $440 & 4 cour
❗️全港最高法國餐廳兼270度海景 午市最平只需$280❗️
——————————————————
位於101大樓，被成個維港景色包圍，係全港最高嘅法國餐廳，景色靚不在話下🤩法籍女主廚Aurélie Altemaire來頭亦唔細，已經有20多年嘅入廚經驗，曾經喺法國、美國、倫敦嘅頂級餐廳做過，更加係倫敦三星級L’Atélier de Joël Robuchon 擔任10年嘅行政總廚👍🏻作為一位女主廚，我覺得佢對擺盆嘅心思更加細密，菜式又靚又好食，最後嘅甜品更有小機關，非常吸睛😻。一如大部份高級餐廳，菜式都係運用時令食材，定期更換。最吸引之處係mix and match 嘅lunch menu，價錢非常親民，分別有兩$390/三$440/四道菜$490，絕對係性價比超高，慶祝一流之選✨！
.
小插曲‼️服務真係有待改善，打電話嚟confirm嘅時候態度幾惡劣。。。另外想上菜介紹食物嘅時候亦唔太熟悉/少求其🥺唯獨係有一個熱情嘅法國侍應好少少🤏特登為我哋安排個270度嘅海景位置。不過以呢個價錢我覺得都算係超值！
.
✷𝑀𝑒𝓃𝓊✷
☞ 3 Courses $440 & 4 courses $490
♥ Country Bread (4/5)
酸味好重，韌性都幾強，係個好正宗嘅sourdough🍞。
配上鹹鹹香香帶點黑椒嘅牛油，中和返個酸味之後都唔錯。
.
♥ Japanese Yellow Tail (3.8/5)
油甘魚刺身，配上醃製咗嘅爽脆蘿蔔、少少石榴，覺得相對上呢個較為普通🙈。
Japanese Yellow Tail
88 views
1 likes
0 comments
.
♥ Perigord Duck Foie Gras (4.3/5)
煮得好出色嘅鴨肝，油脂同鵝肝不相伯仲，入口即溶。
配上一夠煮熟咗嘅芒果同埋芒果醬，甜甜點鐘無返鴨肝嘅膩😋。
Perigord Duck Foie Gras
117 views
0 likes
0 comments
.
♥ Pertuis Green Asparagus (4.4/5)
平時一般asparagus，覺得似係配菜多啲。但侍應推薦呢一款，所以決定一試。
冇諗過又真係幾出色，原來係造成ravioli咁呈現🤩
表面鋪咗塊ravioli皮，微微煙韌。
asparagus煮得好香口，配上蘑菇蝸牛，有唔同嘅口感。
加埋creamy嘅veloute天鵝絨醬汁，出色💕！
Pertuis Green Asparagus
144 views
0 likes
0 comments
.
♥ Miyazagi A4 Sirloin +$290 (4.3/5)
作為A4和牛，而且仲要加 $290，近乎入口即溶係基本。最正係煎到外脆，口感滿分！
配上black pepper sauce，簡單但好味😋！
就連側邊嘅薯仔都好好食，外脆內腍，配上caramelised onion，出色！
係一個出色嘅煎牛扒，不過值唔值加$290就見仁見智，如果你好鍾意食牛扒嘅都可以試吓，但如果想嘗試特別啲嘅菜式，就可以慳返🙈。
Miyazagi A4 Sirloin
65 views
0 likes
0 comments
Miyazagi A4 Sirloin
87 views
0 likes
0 comments
.
♥ Anjou Quail (4.4/5)
好嫩嘅鵪鶉，而且表皮香脆，仲另外加咗少少脆片，令到口感更加豐富😋。
鵪鶉表面亦加咗少許柚蜜，再配上紅菜頭藍莓醬，甜酸味平衡得好好，平時唔鍾意食紅菜頭嘅我都覺得好味。
Anjou Quail
89 views
0 likes
0 comments
.
♥ Profiteroles (4.5/5)
同一般嘅profiteroles非常唔同，用上三粒硬脆富有牛油香硬脆撻皮嘅pastry，內裏加入左啲黃綠色嘅醬汁，根據Menu應該係開心果醬，但入口唔太食得出🤣。
配上香濃黑朱古力脆片、朱古力醬。
成件事口感豐富，朱古力味濃郁，好食😻！
Profiteroles
120 views
0 likes
0 comments
.
♥ Soufflé (4.2/5)
朋友大大力推薦呢度嘅疏乎厘！
特別吸引在於係伯爵茶味🤩好鍾意表面有層伯爵茶奶酥皮，加入伯爵茶醬之後，伯爵茶味非常香濃。
不過自己略嫌口感濕得滯，冇想像中咁重空氣感、輕盈，有少少漿住個口，容易覺得膩🙈。
Souffle
121 views
0 likes
0 comments
.
♥ Petit four (4/5)
聽講係慶祝特別日子先會有嗰個音樂盒，所以建議大家去之前記住講低！
音樂盒上會擺放一粒Canele、小甜點，而唔係生日嘅就會用普通木板呈上。
不過呢兩個甜品嘅水準就正常啦，始終都係覺得koey嘅可麗路係最出色🤣。
Petit four
153 views
1 likes
0 comments
.
♥ Coffee/ Tea
最後侍應問我哋要唔要咖啡或者茶，誤以為包埋喺套餐入面，但後來發現要額外加錢，我自己就覺得唔值☹️。
嗌咗杯cappuccino要加$58，另外伯爵茶要加$38。伯爵茶還好，但係cappuccino係普通capsule個種，冇拉花。
——————————————————
✨整體味道: 4.3/5
✨環境裝修: 4.8/5
✨服務態度: 3/5
✨性價比: 4.5/5
✨再訪興趣: 4/5
.
💞整體來講
雖然未獲得米芝蓮，但係主廚來頭絕對唔野少，最平$280已經可以品嚐，係間價錢相對親民嘅法國fine dining。加上位於101層，景色一流。雖然味道同過千蚊嘅餐廳比就略有不及，但以呢個價錢來講真係超值，慶祝佳選！撇除佢哋嘅態度，都係一餐好食又有靚景嘅飯。記住想要圖中嘅音樂盒，就事先同佢哋講定係慶祝生日啊🎂！
Post
