Video
Read full review
2020-08-15
702 views
週末朝早去咗一個好耐都無去過嘅得寶商場度行，無意中發現呢間以刺蝟做主題嘅cafe。估唔到得寶商場會有cafe，仲以為呢度得茶餐廳添。 餐廳位於得寶商場餐廳裝潢開陽，座位唔算多，坐得好鬆動。門口有個好大個刺蝟模型，入面有賣好多關於刺蝟嘅商品。女士應該會好鍾意呢度。 早餐選擇算少，冇all day breakfast 同egg benedict，何況呢間都係以小店經營，可以接受。飲品方面就同普通cafe嘅差唔多，選擇甚至比其他人多。 🍴latte 咖啡面頭有一個用咖啡粉刻劃嘅刺蝟圖案😝。咖啡香濃順滑，好飲。冇乜野好過早晨喫返杯好飲嘅latte。 🍴煙三文魚煎蛋配麥包（$45） 太陽蛋個底略嫌窿咗D。三文魚質素正常，冇雪藏味，唔錯。麥包烘得香脆，點埋蛋汁一齊食，一流。伴碟嘅有少少沙津菜同四季豆，整體黎講正正常常啦。 🍴煙肉香腸煎蛋配法包（$48） 煙肉味道鹹而香，唔會太油。香腸味道正常，煎嘅時間啱啱好。法包有兩細片，份量有d少。兩個餐同樣分量較少，食完好快就餓。 價錢方面兩份早餐加兩杯飲品，總共$96。價錢合理，唔會太貴。 總括而言，如果住呢頭附近間唔中過黎食吓都係一
餐廳位於得寶商場餐廳裝潢開陽，座位唔算多，坐得好鬆動。門口有個好大個刺蝟模型，入面有賣好多關於刺蝟嘅商品。女士應該會好鍾意呢度。
早餐選擇算少，冇all day breakfast 同egg benedict，何況呢間都係以小店經營，可以接受。飲品方面就同普通cafe嘅差唔多，選擇甚至比其他人多。
🍴latte
咖啡面頭有一個用咖啡粉刻劃嘅刺蝟圖案😝。咖啡香濃順滑，好飲。冇乜野好過早晨喫返杯好飲嘅latte。
🍴煙三文魚煎蛋配麥包（$45）
太陽蛋個底略嫌窿咗D。三文魚質素正常，冇雪藏味，唔錯。麥包烘得香脆，點埋蛋汁一齊食，一流。伴碟嘅有少少沙津菜同四季豆，整體黎講正正常常啦。
🍴煙肉香腸煎蛋配法包（$48）
煙肉味道鹹而香，唔會太油。香腸味道正常，煎嘅時間啱啱好。法包有兩細片，份量有d少。兩個餐同樣分量較少，食完好快就餓。
價錢方面兩份早餐加兩杯飲品，總共$96。價錢合理，唔會太貴。
總括而言，如果住呢頭附近間唔中過黎食吓都係一個唔錯嘅選擇。環境清潔，員工態度都幾好。價錢唔算貴，食物都對得住個價格。但除非你係刺蝟嘅fans，否則我都係黎一次就夠。因為食物水準好一般。
Post
