餓媽家姐 (Moved) New Location

尖沙咀新開小食店，提供各式各樣既香港街頭美食，鋪面裝修光猛，牆上貼滿圖文並茂既小食介紹，主打外賣，店內有幾個立食位。餐牌選擇好多，除左招牌炒腸粉，仲有炸燒賣、烏冬、多款炸物、沙律、便當和各款特色手打漢堡。XO醬蛋炒腸粉：腸粉軟滑無比，每條腸粉大小比例平均，加左蔥花、蛋絲、蝦米仔、撈埋XO醬炒，味道鮮中帶辣，非常有鑊氣，好食到唔停得口，必食之選。炸燒賣：燒賣炸得金黃香脆，外脆內軟糯，保留到魚肉既鮮味，仲有14款自家製醬汁任你配，大大提升了燒賣既美味。日式紫薯甘栗薯餅：炸得外脆內軟，以日本紫薯蓉及甘栗粒製成餡料，香濃甘甜，口感綿密，而且份量好大，飽肚感十足。總結，小食店地點方便，食物即叫即做，店員服務態度專業，性價比高。