甘甘好蔗 (Moved) New Location

食完飯好口渴，行緊去搭車返屋企，見到呢間新開嘅店舖。見佢主打招牌係蔗汁，成個裝修設計都好得意，掂過碌蔗。標榜係全港首創甘蔗茶飲，而且做緊優惠，喺社交平台分享，第二杯半價。試咗兩杯推介飲品。$32 黑加倫子檸檬茶檸檬茶飲得多，黑加侖子味嘅，都係第一次飲。同最近大熱嘅手打檸檬茶味道好似，除咗有檸檬嘅fresh，仲有少少甜味，夏天飲好正！$34 🍈蔗杯蜜瓜呢杯係蔗汁配蜜瓜汁。從來冇諗過蔗汁可以配蜜瓜汁，呢杯同檸檬茶係相反，偏向果汁味重。入口飲到蜜瓜嘅香甜，之後有蔗汁嘅回甘，唔會過甜。