Video
Read full review
2019-09-07
41 views
全港首創銅爐香鍋食過先知點食法！四層食又得，一層食都得，份量足，一大班朋友又食又飲，最好不過！ 今晚兩個人一人一層，緊係食唔哂！第一層$288，第二層開始$200層，可以揀雞、牛、豬、田雞、白鱔、鮑魚、海中蝦、花甲王，每層的煮法都要揀一揀，老干媽爆炒、香濃麻辣、滋味蒜香、惹味京燒、懷舊紅燒～～～無肉不歡的我，底層食老乾媽爆炒牛魔王，有肥牛、牛腩、牛雜，叫了少辣，微辣都好惹味，大蒜炒得好香，仲有花椒八角，配料豐富，牛柏葉好爽，牛腩好冧，肥牛塊多又唔膩，放底的配菜入哂味，好正！第二層食惹味京燒白鱔，有足半條，好肥味，啖啖肉，醬汁甜甜地，配白鱔似日式感的，係好配搭。洛神花茶好開胃，賣相好靚，好飲又好睇！9:30pm入座的朋友，仲可以120分鐘任飲超過40款飲品鍋中間放左D大舊炭，一路食一路㷫住食，唔會凍哂！
四層食又得，一層食都得，份量足，一大班朋友又食又飲，最好不過！
今晚兩個人一人一層，緊係食唔哂！
第一層$288，第二層開始$200層，可以揀雞、牛、豬、田雞、白鱔、鮑魚、海中蝦、花甲王，每層的煮法都要揀一揀，老干媽爆炒、香濃麻辣、滋味蒜香、惹味京燒、懷舊紅燒～～～
無肉不歡的我，底層食老乾媽爆炒牛魔王，有肥牛、牛腩、牛雜，叫了少辣，微辣都好惹味，大蒜炒得好香，仲有花椒八角，配料豐富，牛柏葉好爽，牛腩好冧，肥牛塊多又唔膩，放底的配菜入哂味，好正！
第二層食惹味京燒白鱔，有足半條，好肥味，啖啖肉，醬汁甜甜地，配白鱔似日式感的，係好配搭。
洛神花茶好開胃，賣相好靚，好飲又好睇！
9:30pm入座的朋友，仲可以120分鐘任飲超過40款飲品
鍋中間放左D大舊炭，一路食一路㷫住食，唔會凍哂！
Post
