881包子

Open Now

Now Closed

最近旺角朗豪坊對面開咗間新店，主打多款包點，而招牌菜為醬肉包。出面有個玻璃可以望住員工現包包點，現嗌現包現蒸，承諾絕對唔會售賣隔夜包，新鮮食材睇得到，經過試試無妨。醬肉大包裡面包住豬肉同冬菇，餡料飽滿，咬落爆汁，醬汁好香，包皮鬆軟，果然係招牌。雞蛋菜包係素包，滿滿粉絲、椰菜、雞蛋、木耳等配料，五顏六色，味道唔錯，素包一樣美味。紅豆沙包出面成日食到，但呢間餡料好足，味道香濃，甜而不膩，老少咸宜。鮮肉小包細細粒，好可愛，方便食用，一籠有六個，主要材料有豬肉同馬蹄，包皮偏厚但勝在夠糯。