喜來稀肉 (Closed)

唔好意思，又係食韓燒啦！今次去咗旺角分店既喜來稀肉，座位比銅鑼灣感覺上寬敞啲。而餐牌嘅內容2間分店係一模一樣。枱面上嘅伴菜味道都係一樣。今次同行朋友唔食豬，所以我哋決定要咗個全牛宴！首先有最快熟嘅牛舌，一開始咁肚餓梗係食啲快熟嘅嘢填飽左個肚先啦！牛舌好爽口，亦都唔會有嗰陣怪怪的羶味，而且份量十足！相信大家都知道呢度最出名就係護心肉，其實我之前次次都叫豬嘅護心肉，今次係第一次試牛，原來同樣出色！肉質非常柔嫩，肥瘦比例啱啱好，仲勁香牛肉味，好值得食！最後仲有每次都係啲點嘅喜來烤肉，份量同價係好多，記住燒之前點多啲醃汁會再juicy d!又係滿足的一餐