Video
Read full review
2020-05-26
333 views
Hakawa Chocolate #中環 #黃店❗️全球五強朱古力專賣店❗️由細到大都好鍾意食朱古力，但係香港搵一杯好飲嘅朱古力真係有啲難度，難得喺香港見到呢一間專賣朱古力飲品嘅鋪頭，仲要有唔同濃度嘅朱古力揀，甚至連黃秋生都有推介，梗係即刻要試！店主每日都親自製作朱古力磚、磨可可豆、沖朱古力等等工序，而且仲會細心向客人介紹可可豆。佢哋每日都有唔同嘅可可豆，所以濃度香氣都會有少許分別。嗰日去到嘅係74%，老闆娘話味道較為fruity，會酸少少。另外佢哋仲有100%嘅朱古力揀，啱晒鍾意無糖苦澀嘅人。74% chocolate (cold) $45見到網上大部份飲嘅都係78%，但今日嘅係74%較為酸嘅可可豆，唔知係咪因為呢個緣故，所以沖出嚟嘅朱古力冇我想像中咁濃，而且質地都係稀稀地，夾雜着細細粒嘅朱古力碎，好在朱古力味都算香醇嘅。奇怪嘅位係有陣cream cheese少少發酵咗嘅感覺。整體來講成杯嘢飲並非我想像中嘅朱古力味，反而係似乳酪加咗朱古力，有少少失望，希望只係當日嘅問題。始終有好多人都話好好飲，行過可能會俾多次機會。味道: 3/5性價比: 3/5
❗️全球五強朱古力專賣店❗️
由細到大都好鍾意食朱古力，但係香港搵一杯好飲嘅朱古力真係有啲難度，難得喺香港見到呢一間專賣朱古力飲品嘅鋪頭，仲要有唔同濃度嘅朱古力揀，甚至連黃秋生都有推介，梗係即刻要試！
店主每日都親自製作朱古力磚、磨可可豆、沖朱古力等等工序，而且仲會細心向客人介紹可可豆。
佢哋每日都有唔同嘅可可豆，所以濃度香氣都會有少許分別。嗰日去到嘅係74%，老闆娘話味道較為fruity，會酸少少。另外佢哋仲有100%嘅朱古力揀，啱晒鍾意無糖苦澀嘅人。
74% chocolate (cold) $45
見到網上大部份飲嘅都係78%，但今日嘅係74%較為酸嘅可可豆，唔知係咪因為呢個緣故，所以沖出嚟嘅朱古力冇我想像中咁濃，而且質地都係稀稀地，夾雜着細細粒嘅朱古力碎，好在朱古力味都算香醇嘅。奇怪嘅位係有陣cream cheese少少發酵咗嘅感覺。
整體來講成杯嘢飲並非我想像中嘅朱古力味，反而係似乳酪加咗朱古力，有少少失望，希望只係當日嘅問題。始終有好多人都話好好飲，行過可能會俾多次機會。
味道: 3/5
性價比: 3/5
74% chocolate (cold)
$45
2 views
0 likes
0 comments
74% chocolate (cold)
$45
4 views
0 likes
0 comments
Post
