Video
Read full review
2017-07-22
962 views
全程有專人服侍，繞埋手就可以等食，第一次咁爽嘆海鮮蒸鍋! 由食雞煲開始，就有專人烹調。蒸鍋時又有專人計時同蒸火鍋料，蒸完仲要分埋餸，中途又不斷收碟換碟。店員全程Stand By，仲要好笑容好態度，服務真係甜心周到。野飲自己攞，兩個大雪櫃，多數人都攞Vita Coco 椰子水，好少見餐廳有得飲嘛，超市賣廿幾蚊，梗要試吓 但事實佢味道一般，唔係太出眾。先嚟前菜，四人或以下:$20一份，五人或以上就兩份。豆角同木耳味道少少麻辣，又幾好食。再嚟就係什錦刺身拼盤或招牌雞煲，食肉獸嘅我地梗係揀雞煲! 太辣又食唔到，唔辣又唔惹味，叫左BB辣。專人幫我地煮埋，控制火候，臨尾仲加埋油炸鬼，煮完香噴噴，雞肉好嫩滑，油炸鬼就仍然香脆。跟住將南瓜、排骨、米、蟹蓋放入鍋做粥底，就可以開始蒸海鮮。蒸鍋海鮮一大盤，抬出嚟時都好震撼。見到人地個火鍋海鮮拼盤，再對比自己個蒸鍋海鮮拼盤，好似大好多喎心裏暗爽，我呢個真係明顯靚料好多咁。仲有一碟新鮮鮑魚:全部用料都好新鮮，有啲海鮮仲郁緊添龍蝦、太子象拔蚌、日本大元貝、紐西蘭大聖子、大連鮮鮑魚、沙井鮮甜生蠔、新鮮肉蟹。因為係用蒸，所有海鮮都能夠保持原汁原味，真係特別鮮同甜。龍
野飲自己攞，兩個大雪櫃，多數人都攞Vita Coco 椰子水，好少見餐廳有得飲嘛，超市賣廿幾蚊，梗要試吓 但事實佢味道一般，唔係太出眾。
先嚟前菜，四人或以下:$20一份，五人或以上就兩份。豆角同木耳味道少少麻辣，又幾好食。
再嚟就係什錦刺身拼盤或招牌雞煲，食肉獸嘅我地梗係揀雞煲! 太辣又食唔到，唔辣又唔惹味，叫左BB辣。專人幫我地煮埋，控制火候，臨尾仲加埋油炸鬼，煮完香噴噴，雞肉好嫩滑，油炸鬼就仍然香脆。
跟住將南瓜、排骨、米、蟹蓋放入鍋做粥底，就可以開始蒸海鮮。
蒸鍋海鮮一大盤，抬出嚟時都好震撼。見到人地個火鍋海鮮拼盤，再對比自己個蒸鍋海鮮拼盤，好似大好多喎心裏暗爽，我呢個真係明顯靚料好多咁。
仲有一碟新鮮鮑魚:
全部用料都好新鮮，有啲海鮮仲郁緊添龍蝦、太子象拔蚌、日本大元貝、紐西蘭大聖子、大連鮮鮑魚、沙井鮮甜生蠔、新鮮肉蟹。因為係用蒸，所有海鮮都能夠保持原汁原味，真係特別鮮同甜。龍蝦啖啖肉，顏色雪白，肉質結實，連個頭都有好多肉。
沙井鮮甜生蠔，因為冇貨，換左美國桶蠔，更大更貴更肥美。蒸完都咁大隻，對比返隻叉，隻叉頓時變得好渺小。
日本大元貝，肉質特別鮮甜，成隻手掌咁大。
新鮮肉蟹，好厚肉。蟹一死左就變得唔新鮮，要好似呢隻咁鮮味，一定係即劏。
食完海鮮就食手切牛頸脊，兩個人、三個人、四個人都係一碟，好似兩個人抵啲喎。啲雪花紋好靚，肉色鮮紅，雖然嫩滑，但牛味唔太濃。
跟住就係六款蒸小菜入面揀一款小菜，我地揀左梅菜肉鬆蒸豆腐。豆腐好滑，但蒸出黎唔係熱辣辣，係暖，可能蒸多幾分鐘會更好。 
呢個時候，一大鍋綿滑粥底已經煮好。可按個人口味加入蔥、芫茜同木魚絲。
一人要食幾碗先食得完，好大鍋呀
最後有有Heart甜品 - 牛奶奶凍，一人一杯，奶味特濃。
仲未夠? 一定要整返杯軟雪糕，個甜筒好鬼脆，YUMMY~
蒸鍋位位$338，火鍋位位$258。食得多火鍋，咪試吓蒸鍋囉，咁靚嘅海鮮，咁專人嘅服務，我地已經好滿意。
Post
