Video
Read full review
2020-10-10
512 views
新店開張兩日，因而有加$1換雞蛋布丁既優惠，當然要即刻去朝聖星期五晚八點黎到已經有等候既人龍，堂食同外賣都係同一條隊。原來新店開左係戲院果度舊許留山位置，比荃灣鮮芋仙座位少好多，於是我地都決定外賣，而且可以同屋企人分甘同味。八點黎到雞蛋布丁已經賣哂 我地就嗌左一個熱芋圓4號（推介）、一個期間限定既凍雙色芋圓。芋圓4號最大賣點係有大大舊芋頭，係台灣品種，比香港食到既都要香同埋滑得多，唔似香港d芋頭咁粉實。甜度岩岩好，屋企人都讚不絕口。 另外仲有紅豆同埋珍珠配料，紅豆都幾腍，同加埋紅豆沙底都唔會太甜；而珍珠黑糖味濃，都夠煙韌。係比錢果個位見到張poster寫有雙色芋圓先識嗌（主餐牌無），食落好有驚喜。原來呢個係包心芋圓，入面就係有果d好香好綿既芋頭泥，而出面就係煙韌唔痴牙芋圓同地瓜圓。佢既芋圓同地瓜圓質感都好好，熟透得黎就算凍食都唔會變硬。下面既仙草加上花奶，好清涼。我地落左單之後行左陣街先返黎拎外賣，大約等15-20分鐘到。不過返黎拎外賣既時候等候人龍長左，應該都係大家食完飯過黎食糖水。唔想等咁耐就要早d黎，可能會食到$1雞蛋布丁
星期五晚八點黎到已經有等候既人龍，堂食同外賣都係同一條隊。原來新店開左係戲院果度舊許留山位置，比荃灣鮮芋仙座位少好多，於是我地都決定外賣，而且可以同屋企人分甘同味。
八點黎到雞蛋布丁已經賣哂 我地就嗌左一個熱芋圓4號（推介）、一個期間限定既凍雙色芋圓。
芋圓4號最大賣點係有大大舊芋頭，係台灣品種，比香港食到既都要香同埋滑得多，唔似香港d芋頭咁粉實。甜度岩岩好，屋企人都讚不絕口。 另外仲有紅豆同埋珍珠配料，紅豆都幾腍，同加埋紅豆沙底都唔會太甜；而珍珠黑糖味濃，都夠煙韌。
係比錢果個位見到張poster寫有雙色芋圓先識嗌（主餐牌無），食落好有驚喜。原來呢個係包心芋圓，入面就係有果d好香好綿既芋頭泥，而出面就係煙韌唔痴牙芋圓同地瓜圓。佢既芋圓同地瓜圓質感都好好，熟透得黎就算凍食都唔會變硬。下面既仙草加上花奶，好清涼。
雙色芋圓
$45
57 views
0 likes
0 comments
我地落左單之後行左陣街先返黎拎外賣，大約等15-20分鐘到。不過返黎拎外賣既時候等候人龍長左，應該都係大家食完飯過黎食糖水。唔想等咁耐就要早d黎，可能會食到$1雞蛋布丁
Post
