韓樂 (元點)

Open Now

Now Closed

見韓樂進駐元朗新商場元點，就係試一試。但元朗呢間分店，少好多嘢食。以下點嘅餐，全部都中伏。香煎牛扒定食配珍珠飯•韓式前菜（$85）個牛肉無論係睇落定食落都係過熟！老晒柴晒！啲配菜似呢用現成夾落碗，唔似餐廳自家製，味道都唔太好食。辣八爪魚野菜炒年糕（$67）醬汁好稀，好似平時超市買到嘅紅色韓醬溝水，年糕表面完全索唔到啲汁，而且芝士都冇乜味，成件事好分開，好冇誠意。生菜伴韓式炸雞粒（食滿$158加$1）炸雞粒好厚粉，雞肉比例得好少，本身只係+$1，所以期望都唔大。人蔘雞湯浸娃娃菜（價惠價$38）呢鍋菜莫講話人蔘味呀，連鹹味都冇，好似食緊白烚菜。優惠價都唔值得食。果然係連鎖集團，同意八的檸檬茶一模一樣，都是鮮萃檸檬汁+茶，好處係去除檸檬皮的苦澀。