蕃滿門

Open Now

Now Closed

好難得會食到lunch，平時我瞓到下晝三四點先起身，今日因為要返工早起身，所以過咗嚟食lunch，店員就安排左靠近入面嘅位置俾我哋，呢度出名係凍檸茶，所以我梗係急不及待叫咗杯凍檸茶啦。至於lunch套餐方面，我哋兩個人叫咗一個滑蛋番茄湯意粉，同埋一個咖喱焗飯一齊share share。番茄湯意粉好濃番茄湯底味道，真係好似食緊個蕃茄，而且啲滑蛋好有奶味，好想再加多幾隻滑蛋落去，番茄湯有得揀辣度，我哋就揀咗小辣，小辣反而好惹味。至於焗飯方面，我哋叫咗個焗咖喱雞扒飯，因為焗飯要等候15分鐘左右，所以我哋食完個湯意粉啱啱好，個焗飯就嚟咗啦，不過我覺得佢哋個雞扒可以再改善，俾我有啲乾身嘅感覺，如果濕少少我諗會新鮮好多，不過lunch兩個＄100 埋單都算好平啦，如果食lunch都可以再黎試。