E FOR EGG

Open Now

Now Closed

成日碌社交平台見到E FOR EGG既窩夫同蛋，造型好可愛🍳 今日終於見到廬山真面目！食物靚之餘味道都唔錯，價錢合理，仲有榻榻米區影相打卡，值得支持!✨金沙軟殼蟹三文魚籽海鮮沙律盒子吐司 $108吐司外層焦脆，影相擺咗一陣都無變淋。金沙味道唔會太重，三文魚籽輕輕點綴，加上蛋炒得夠滑，成個組合好一體同和諧! ✨黑椒牛舌定食 配溫泉蛋 $78🍳推薦！牛舌調味出色，每啖肉都好入味，下飯之選🤤 厚薄程度剛好，有嚼勁，唔會有厚重同肥膩嘅感覺🤤✨E FOR EGG芝士奶蓋招牌窩夫 $88🍳推薦！好可愛造型，以為得個樣，但出奇地有驚喜！芝士奶蓋配搭麻糬內餡，鹹中帶甜，口感豐富。✨E FOR EGG 開心果特調 $56開心果同嫩滑豆腐二合為一，淡淡堅果同奶香。✨招牌奶蓋咖啡（凍） $48非常非常濃郁既咖啡，加上Baileys輕輕點綴，奶蓋帶點微微甜，飲完勁醒神😹✨抹茶栗子蒙布朗窩夫 $96份量澎湃，甜度不高，相比之下其他甜品較有驚喜。✨是日-開心果巴斯克芝士蛋糕 $62🍳推薦！開心果味突出，入口先係堅果香氣，之後係濃郁芝士香氣，適合多人分享！味道比較濃厚，食到最後可能會有少少膩。