君怡酒店咖啡屋 (Under Renovation)

上星期日午市同朋友來食自助餐，見價錢咁抵，200幾蚊就有刺身中西日式任食，午市自助餐由12點半開始，咁啱個日好熱，同朋友早左入去，點知....全部都係團，仲要係本地團....團唔緊要，（個人見解）有一堆教會既人包左半個場咁濟，未入去佢地已經開曬咪，好似搞自己event咁，利申好尊重佢地既自由，但開曬咪真係會騷擾付近既食客.....一搭正12點半，所有人好似賽跑咁跑出去，都幾有氣氛，d教友都唔例外好欣賞呢度既午市有刺身櫃，刺身好新鮮，鮮味足夠，嫩滑肥美三文魚，唔只，格離仲有個壽司🍣位，但係好快比人領曬d三文魚壽司，領剩d紫菜卷壽司，所以沒影..味道就一流，拍得住放題質素，但，但，但但刺身司傅態度真係差，體諒人多得一個人會做到好炆，但客人有禮貌咁選擇食咩魚，佢都會啤一啤客人，客人話想要墨魚，佢就點都會比八爪魚🐙，不過有d客人好無禮貌咁指住要咩要咩，個d又係令佢有脾氣既誘因，其實大家都要有禮貌介紹泰式青咖哩，甜辣香！呢個我食左好多，蒸三文魚頭配豉汁，估唔到三文魚咁西式，配合中菜既蒸法同醬料，好香，肥美之餘，反而沒個種肥膩濟既感覺呢個推介，肉骨茶，要話好飲到好似馬來西亞同新加坡個d味就一定沒，