吃茶三千 (希慎廣場)

Open Now

Now Closed

之前係台中既吃茶三千概念店飲過一次, 真係要將佢評定為全世界最好飲既珍珠奶茶🤩所以返黎香港都心思思想再買黎飲, 都知道呢間係出名既排隊店, 店員都係密密做😖人手都似唔夠, 見好多杯飲品已經整好左都係放埋一邊冇人叫號碼。呢間分店係開12點, 大約12點10分左右已經有人排隊中😨更加已經貼出要等廿分鐘既告示牌, 當然唔係咁快手就可以順利拎到飲品, 最後用左45分鐘自拎到, 等到懷疑人生😢等待既時候, 見到店員量完茶葉分量後再用萃茶機沖茶🍵就好似沖緊咖啡咁, 店內都有一陣陣既茶葉香氣。沖一杯飲品已經做比其他奶茶店多工序, 時間自然要等多一陣💪國王珍珠奶茶係用紅茶+厚奶+珍珠沖成, 茶底的確好香濃, 同厚奶既比例拿捏得剛剛好, 珍珠煙煙韌韌好好食😋雖然覺得佢係全香港最好飲既珍珠奶茶👍🏼但同台灣既味道都係差一D, 係台灣飲真係會有叮一聲既感覺。