Gourmet Burger Union (Closed)

話說今日想食junk　food，咁就打算落樓下食burger，本來想去shake　em　buns，但行過gourmet　burger，發覺未食過，咁就去試吓菜。一入到去，成陣油煙味，已經覺得唔係好對路，不過算啦，然後叫咗份薯條同個Burger.等呀等，等咗起碼１０分鐘，個burger終於送到我面前。一啖咬落去，嘩，個包中間仲未熱。都算喇，啲牛肉碎到不停咁跌出嚟，咁即係話佢做塊漢堡扒嗰陣已經有問題。食落口，淨係食到茄汁味，塊漢堡一啲都唔juicy，牛肉味又唔香，仲有啲乾添。跟住到戲肉，薯條終於到喇，送到我面前，嘩~好似啲梅菜咁林晒。咁我叫佢哋再整過啦，到第二次都係咁，我同個店員講，我雖然唔係廚師，但都唔會整啲咁嘅薯條比人食囉，我要refund啲錢。咁佢講埋啲廢話咁話，我哋啲薯條唔係frozen薯條...bla bla bla.....我話之你係咪frozen，總之你落鑊炸嗰陣啲油唔夠熱啦。你開舖之前，應該練好啲廚藝先開舖啦，咁我攞番20蚊就走咗。